Элмира Боситхонова Ўзбекистон Хотин-қизлар қўмитаси раиси сифатидаги фаолияти давомида кўплаб оддий масалаларни ҳал қилишда ҳам вазирлардан ёрдам олишга тўғри келганини тан олди. У бу ҳақда журналистлар билан очиқ мулоқотда айтиб ўтди.
Хотин-қизлар қўмитаси раиси сифатида нималаргадир улгурдим, нималаргадир кучим етмади. Масалан, ҳуқуқий масалаларда тўсиқлар бўлса, уларни вазирларга қўнғироқ қилсамгина ечиш мумкин эди. Туманлардаги оддий муаммоларни ечишда ҳам қийинчиликлар бор эди.Ўзбекистонда 2020 йил февралида Маҳалла ва оила масалалари вазирлиги ташкил этилди. Шу муносабат билан Хотин-қизлар қўмиталари тугатилди, бунгача ушбу қўмиталарга раислик қилган аксарият аёллар жойларда тузилган маҳалла ва оила масалалари бўйича органлар раҳбарларининг биринчи ўринбосарларига айланди.Саломатлик масаласида-ку, гапирмаса ҳам бўлади. Масалан, бир нарсани кўп бора такрорлаганман — ўтган 20 йил давомида тизимдаги акушер-гинекологларнинг ҳомиладор аёлларга бирламчи ёрдам бериши тизимини, болаларга профилактик тиббий ёрдам бериш тизимини йўқотиб қўйдик.
Элмира Боситхонова, маҳалла ва оилани қўллаб-қувватлаш вазири биринчи ўринбосари
Хусусан, вазирлик ташкил этилгунига қадар Ўзбекистон бош вазири ўринбосари — республика Хотин-қизлар қўмитаси раиси лавозимида ишлаб келган Элмира Боситхонова маҳалла ва оила масалалари вазирининг биринчи ўринбосари этиб тайинланди.
Қайд этиш жоиз, вазирлик томонидан ўз ваколати доирасида қабул қилинган қарорларнинг ижроси давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, фуқаролар учун мажбурий ҳисобланади.
Изоҳ (0)