“Аёллар дафтари”га киритилган хотин-қизларнинг қанчасига ёрдам кўрсатилгани айтилди

Ўзбекистонда 9 ойда “Аёллар дафтари”га киритилган эҳтиёжманд хотин-қизларнинг 929 813 нафарига турли даражада ёрдам кўрсатилди.

Бу ҳақда АОКАда ўтказилган брифингда Оила ва хотин-қизлар қўмитаси ахборот хизмати раҳбари Саодат Боймирзаева маълум қилди. Хусусан, 1-тоифа бўйича: 425 760 нафар ижтимоий ҳимояга муҳтож ишсиз хотин-қизлардан 414 849 нафари янги иш ўринлари ва жамоат ишларига жойлаштирилди.

• 2-тоифа бўйича: 49 622 нафар тадбиркорлик қилиш истагида бўлган эҳтиёжманд хотин-қизларнинг 44 956 нафарига тадбиркорлик фаолиятларини йўлга қўйишлари учун имтиёзли кредитлар ажратилди.
• 3-тоифа бўйича: 225 532 нафар боқувчиси бўлмаган эҳтиёжманд хотин-қизлардан 198 541  нафарига бир марталик моддий ёрдам берилди.
• 4-тоифа бўйича: 202 897 нафар ижтимоий ёрдамга муҳтож 1- ва 2-гуруҳ ногиронлиги бўлган шунингдек, тезкор тиббий муолажага муҳтож эҳтиёжманд хотин-қизлардан 181 812 нафарига бир марталик моддий кўрсатилди.
• 5-тоифа бўйича: 9 128 нафар уй-жойга муҳтож эҳтиёжманд хотин-қизларнинг 7 875 нафарига ёрдам кўрсатилган.
• 6-тоифа бўйича: 87 741 нафар қарамоғида ногиронлиги бўлган фарзанди мавжуд эҳтиёжманд  аёллардан 81 780 нафарига моддий ёрдамлар берилди.