Исроилнинг Даниядаги элчихонаси яқинида яна портлаш юз берди. Портлаш элчихонадан тахминан 500 метр узоқликда содир бўлди. Бу ҳақда AFP агентлиги маълум қилди.
5 кун аввал, 2 октябрь куни Исроил элчихонаси яқинида иккита портлаш содир бўлганди.
“Биз, албатта, бугунги портлаш Исроил элчихонаси яқинидаги аввалги воқеа билан алоқаси бор-йўқлигини текширмоқдамиз. Ҳозирча бунга ҳеч қандай далил йўқ”, деди Копенгаген полицияси инспектори Трине Моллер журналистларга берган интервьюсида.
Маҳаллий ОАВ элчихонадан 500 метр узоқликда жойлашган турар жой биноси олдида портлаш излари акс этган кадрларни чоп этди.
2 октябрь куни рўй берган портлашни уюштирганликда гумон қилиниб уч киши ҳибсга олинган. Маълум қилинишича, уларнинг 2 нафари Швеция фуқаролари. Ҳибсга олинган шахсларга нисбатан терроризм бўйича айблов қўйилган.
Дания полицияси воқеадан кейин чегара назоратини кучайтиришга қарор қилди.
Изоҳ (0)