Isroilning Daniyadagi elchixonasi yaqinida yana portlash yuz berdi. Portlash elchixonadan taxminan 500 metr uzoqlikda sodir bo‘ldi. Bu haqda AFP agentligi ma’lum qildi.
5 kun avval, 2-oktyabr kuni Isroil elchixonasi yaqinida ikkita portlash sodir bo‘lgandi.
“Biz, albatta, bugungi portlash Isroil elchixonasi yaqinidagi avvalgi voqea bilan aloqasi bor-yo‘qligini tekshirmoqdamiz. Hozircha bunga hech qanday dalil yo‘q”, dedi Kopengagen politsiyasi inspektori Trine Moller jurnalistlarga bergan intervyusida.
Mahalliy OAV elchixonadan 500 metr uzoqlikda joylashgan turar joy binosi oldida portlash izlari aks etgan kadrlarni chop etdi.
2-oktyabr kuni ro‘y bergan portlashni uyushtirganlikda gumon qilinib uch kishi hibsga olingan. Ma’lum qilinishicha, ularning 2 nafari Shvetsiya fuqarolari. Hibsga olingan shaxslarga nisbatan terrorizm bo‘yicha ayblov qo‘yilgan.
Daniya politsiyasi voqeadan keyin chegara nazoratini kuchaytirishga qaror qildi.
Izoh (0)