Кўп маҳсулот кетмайдиган мазали «Смак» салатини уйда тайёрлаш учун рецепт

Сиз ресторан ва кафеларда севиб истеъмол қиладиган «Смак» салатини уй шароитида тайёрлашни ўргатамиз.

Бунинг учун бизга қуйидаги маҳсулотлар керак бўлади:

• Пишлоқ— 70-80 грамм
• Помидор — 4-5 дона
• Консерваланган жўхори —100 грамм
• Саримсоқ — 1-2 дона
• Майонез — 100 грамм
• Кўкатлар
• Қуритилган нон бўлаклари
• Туз, мурч — таъбга кўра

Тайёрланиш жараёни:

1. Пишлоқни қирғичдан чиқаринг ёки тўғранг, помидорни тўртбурчак шаклда тўғранг ва идишга солинг.
2. Идишга жўхори ва қуритилган нон бўлакларини солинг.
3. Унинг устига саримсоқ ва кўкатларни майда тўғраб қўшинг.
4. Таъбга кўра туз ва мурч қўшинг.
5. Масаллиқларга майонез қўшинг ва яхшилаб аралаштиринг.

Ёқимли иштаҳа!