Баҳор фаслида кўпчиликда авитаминоз, яъни витамин етишмаслиги сабаб лоҳаслик, бўшашиш ва чарчаш кузатилади. Бундай вақтда витаминларга бой фойдали таом ва салатларни истеъмол қилиш керак. Эътиборингизга ҳавола этмоқчи бўлган бақлажонли салат ҳам фойдали, ҳам мазалилиги билан ўзига хос.
Салат учун қуйидаги маҳсулотлар керак бўлади:
- Бақлажон — 400 грамм
- Булғор қалампири — 150 грамм
- Сабзи — 100 грамм
- Пиёз — 80 грамм
- Кўкатлар
- Саримсоқ пиёз — 2-3 дона
- Кунжут — 1-2 ош қошиқ
- Қизил ва қора мурч — таъбга қараб
- Ўсимлик ёғи
- Шакар — 1 чой қошиқ
- Соя— 2 ош қошиқ
- Сирка 9% — 2 ош қошиқ
- Ўсимлик ёғи — 2 ош қошиқ
- Товада ёғ қиздириб сомонча шаклида тўғралган бақлажон тилларанг бўлгунича қовуриб сўнгра бошқа идишга солинади.
- Пиёз ҳам тилларанг бўлгунча қовурилади.
- Сабзи қирғичдан чиқариб, тузланади.
- Булғор қалампирининг ички қисми тозаланади, сомонча шаклида тўғралади.
- Қолган сабзавотлар ҳам тўғраб бир идишга солинади.
- Юқорида соус учун таъкидланган маҳсулотлар қўшиб салатга аралаштирилади.
- Кунжут сепилади ва совиганидан кейин музлатгичга 3-4 соатга қўйилади.
Мавзуга доир: Фойдали ва мазали грекча салат тайёрлаймиз
Изоҳ (0)