Ko‘p mahsulot ketmaydigan mazali “Smak” salatini uyda tayyorlash uchun retsept

Siz restoran va kafelarda sevib iste’mol qiladigan “Smak” salatini uy sharoitida tayyorlashni o‘rgatamiz.

Buning uchun bizga quyidagi mahsulotlar kerak bo‘ladi:

• Pishloq— 70-80 gramm
• Pomidor — 4-5 dona
• Konservalangan jo‘xori —100 gramm
• Sarimsoq — 1-2 dona
• Mayonez — 100 gramm
• Ko‘katlar
• Quritilgan non bo‘laklari
• Tuz, murch — ta’bga ko‘ra

1. Pishloqni qirg‘ichdan chiqaring yoki to‘g‘rang, pomidorni to‘rtburchak shaklda to‘g‘rang va idishga soling.
2. Idishga jo‘xori va quritilgan non bo‘laklarini soling.
3. Uning ustiga sarimsoq va ko‘katlarni mayda to‘g‘rab qo‘shing.
4. Ta’bga ko‘ra tuz va murch qo‘shing.
5. Masalliqlarga mayonez qo‘shing va yaxshilab aralashtiring.