Сули ёрмасидан тайёрланган таом ва пишириқлар тўйимли ва соғлиққа фойдали ҳисобланади. Оила аъзолари ва фарзандларига мазали таом пиширишни истаганлар учун сули ёрмасидан тайёрланадиган булочка рецептини тақдим қиламиз.
Бунинг учун қуйидаги маҳсулотлар керак бўлади:
- Сув – 350 мл
- Сули ёрмаси – 150 гр
- Зайтун мойи –50 мл
- Хамиртуруш –1,5 чой қошиқ
- Шакар – 1,5 чой қошиқ
- Туз – 1 чимдим
- Кунжут – 1 ош қошиқ
- Ун – 400 гр
- Хамиртуруш ва шакарни ярим стакан иссиқ сувга ивитиб, 15 дақиқага қўйинг.
- Кейин аралашмага зайтун мойи ва туз қўшиб аралаштиринг.
- Сули ёрмасини қўшиб, яхшилаб аралаштиринг.
- Сувнинг қолган қисмини қўшинг.
- Оз-оздан ун қўшиб, масса ҳолига келтиринг.
- Хамир устини сочиқ билан ёпиб, яхшилаб ошгунига қадар илиқ жойга қўйинг.
- Хамир ёпишиб қолмаслиги учун қўлингизни ёғлаб, 12 бўлакка бўлиб, булочкага шакл беринг.
- Патнисга пиширишга мўлжалланган қоғозга булочкаларни теринг ва ярим соатга қолдиринг.
- Булочкалар устига зайтун суртинг.
- Кунжут сепинг ва 25-30 дақиқага, 200 градусга қизиган печга қўйинг.
Изоҳ (0)