Тез тайёр бўладиган пицца пиширамиз

Пицца болалар ва катталар учун ҳамиша севимли бўлган. Уни нонушта, тушлик ҳатто кечки овқат ўрнига ҳам ейиш мумкин.

Бунинг учун қуйидаги маҳсулотлар керак бўлади:

• Ун— 1,5 пиёла
• Туз — таъбга кўра
• Шакар — 2 чой қошиқ
• Зайтун ёғи — 1 чой қошиқ
• Хамиртуруш — 1 чой қошиқ
• Сув — 130 мл

• Колбаса — 50 грамм
• Булғор қалампири — 2 дона
• Зайтун — 10-15 та
• Помидор — 5 дона
• Пишлоқ —50-80 грамм
• Томат пастаси — 3 ош қошиқ
• Тузланган қўзиқорин

1. Хамирга кетадиган масаллиқларни қўшиб оширма хамир қилинг.
2. Тайёр бўлгач 1 соат давомида тинишини кутинг.
3. Хамирни айлана шаклида унлаб ёйинг.
4. Хамир устини ёғлаб олинг.
5. Сўнгра томат пастасини хамир устидан суриб чиқинг. Томат ўрнига кетчупдан ҳам фойдаланиш мумкин.
6. Пишлоқни қирғичдан чиқариб хамир устини у билан қопланг.
7. Колбасани кесиб пишлоқ устидан териб чиқинг.
8. Зайтунни айлана шаклида кесиб колбаса орасидаги бўш жойларга қўйинг.
9. Кейинги босқичда бўлса қолган маҳсулотлар: булғор қалампири, помидор ва қўзиқоринни хамир устига қўйинг.
10. Пиццани 30 дақиқага, 190 даражада қизиб турган духовкага қўйинг.