Kechki ovqat uchun makaronli 2 xil taom retsepti

Quyida ko‘pchilik bekalarning sevimli mahsuloti makarondan ikki xil to‘yimli va mazali taom tayyorlashni o‘rgatamiz.

Makaron va sosiskali taom

Kerakli masalliqlar:

• Oliy navli makaron — 200 gramm
• Sosiskalar — 2-3 dona
•  Bosh piyoz — 1 dona
• Sariyog‘ — 30 gramm
• Ko‘k piyoz — bir bog‘
•  Tuz
• Murch

Tayyorlanishi:

• Makaronlarni tuzli suvda qaynatib pishirib olamiz.
•  Bosh piyozni to‘g‘rab olamiz, muzlatgichdan sariyog‘ni olamiz.
•  Piyozni sariyog‘da 1—2 daqiqa davomida qovurib olamiz.
• Sosiskani to‘g‘rab olamiz.
• Sosiskani piyoz bilan birga 1—2 daqiqa davomida qovurib olamiz.
• Maydalab to‘g‘ralgan ko‘k piyozni aralashtiramiz, ustiga makaron, tuz, murch qo‘shib, hammasini aralashtiramiz. Ovqat tayyor, dasturxonga chiroyli qilib qo‘yamiz.

Sabzavotli spagetti

Kerakli masalliqlar:

• O‘rtacha kattalikdagi sabzi — 1 dona
• Kichik qizil piyoz — 1 dona
• Bulg‘or qalampiri — yarimta
• Pomidor  — 3—4 dona
• Spagetti— 100 gramm
• Yashil zaytun — 10 dona
• Qovurish uchun o‘simlik yog‘i
• Tuz — ta’bga ko‘ra
• Murch — ta’bga ko‘ra

Tayyorlanishi:

1. Sous tayyorlaymiz. Pomidorni blenderda maydalab olamiz.
2. Piyozni, bulg‘or qalampiri, sabzini to‘g‘rab olamiz.
3. Sabzavotlarni o‘simlik yog‘ida qovurib olamiz. Unga zaytun, yarim stakan sousni qo‘shamiz.
4. Spagettini alohida qaynatib olamiz. Spagetti qaynagan suvdan yarim stakan olib, sabzavotlarga qo‘shamiz. Undan so‘ng suvdan chiqarib olingan spagettini qo‘shamiz. Yaxshilab aralashtiramiz.
5. Sabzavotli spagetti tayyor. Taomni ko‘kat va zaytun donalari bilan bezatamiz.

Yoqimli ishtaha!