Karantin davri oila a’zolarimizni mazali taomlar va noodatiy desertlar bilan xursand qilish uchun yaxshi imkoniyat hamdir. Quyida sizga barchaga birdek yoquvchi olmali muss tayyorlashni o‘rgatamiz.
10 daqiqa vaqt oluvchi ushbu desertni tayyorlashga 4 ta mahsulot kerak bo‘ladi.
Masalliqlar:
Kichikroq olma
Bir choy qoshiq manniy yormasi
Yarim stakan suv
Ta’bga ko‘ra asal yoki shakar
Tayyorlanish jarayoni:
Archib, tozalab olingan olmaning ustiga suv quyib, yumshaguniga qadar qaynatamiz. Yumshaganidan so‘ng sanchqi yoki blender yordamida ezib olamiz. So‘ng manniy yormasi va shakar solamiz. Hosil bo‘lgan massani sirli idishga solib, o‘rta olovda 5 daqiqa qaynatamiz.
Qaynagan massani sovutib, mikser yordamida qattiq ko‘pik hosil qilamiz.
Ranglar va kimyoviy qo‘shimchalarsiz olmali muss tayyor!
Yoqimli ishtaha! Mavzuga doir:- Bolalarga yoqadigan grechkali yegulikning uchta retsepti
- Desert o‘rnini bosuvchi va oson tayyorlanuvchi mevali salat
- 5 daqiqada tayyorlanadigan foydali nonushta
- Tuxum pishirishdagi uning mazasini buzadigan 8 ta xato
- Uy sharoitida muzqaymoq tayyorlaymiz. Buning uchun atigi uchta mahsulot kerak bo‘ladi
- Professional oshpazlar tovuq pishirishda ko‘pchilik ayollar yo‘l qo‘yadigan xatolarni sanab o‘tdi
