Eronning Rey shahrida Isroil uchun kamikadze-dronlar va qo‘lbola bombalar yig‘uvchi maxfiy ustaxona topildi. Bu haqda shahar huquq-tartibot kuchlari qo‘mondoni polkovnik Husayn Mafi xabar berdi.
-9y2-Wh2b.avif)
Ma’lum qilinishicha, ustaxona Tehronning janubiy chekkasida joylashgan. Fuqarolar u yerga shubhali tashriflar haqida ko‘rsatma bergan.
Razvedka guruhlari va politsiya xodimlari sud orderini olganidan so‘ng, darhol operatsiyani boshladi... Mazkur xonadon bo‘yicha o‘tkazilgan tergov davomida ko‘p miqdordagi dronlar, kamikadze-dronlar ishlab chiqarish uchun uskunalar, qo‘lbola bombalar va boshqa jihozlar aniqlandi hamda musodara qilindi, deydi Husayn Mafi.
Uning aniqlik kiritishicha, ustaxonada 200 kilogramdan ortiq portlovchi moddalar va kamikadze-dronlarni yaratish uchun ko‘plab uskunalar topilgan. 15-iyun kuni Eron politsiyasi Rey shahrida Isroil razvedkasi “Mossad”ning ikki nafar agentini qo‘lga olgan.
13-iyunga o‘tar kechasi Isroil “Isyonkor sher” operatsiyasini boshladi. Uning doirasida Isroil qo‘shinlari Eron hududidagi yadroviy va harbiy obyektlarga hujum qildi. O‘sha kuni kechqurun Islom inqilobi qo‘riqchilari korpusi javob operatsiyasi boshlanganini e’lon qildi. U “Haqiqiy va’da 3” nomini oldi. Jangovar vazifalarni bajarish chog‘ida Isroilga raketa zarbalari berildi. Ikki davlat bir-biriga hujum qilishda davom etmoqda.
Izoh (0)