Ijtimoiy tarmoqlarda aeroportda janjal bo‘layotgani, soat 11:40 Toshkentdan Sharm al-Shayxga uchishi kerak bo‘lgan samolyot soat 18:40 ga qoldirilgani haqida xabarlar tarqaldi. Holat yuzasidan Uzbekistan Airports izoh berdi.
Maʼlum qilinishicha, Fly Khiva aviakompaniyasining Toshkent–Sharm al-Shayx–Toshkent yo‘nalishi bo‘yicha reysi Toshkent aeroportida texnik sabablarga ko‘ra kechiktirilgan.
Qayd etilishicha, yo‘lovchilar ayni vaqtda terminalning steril zonasida bo‘lib, issiq ovqat bilan ta‘minlangan. Aviakompaniya vakillari esa ularning barcha murojaatlariga tezkorlik bilan javob berayotgani qo‘shimcha qilindi.
Dastlabki ma‘lumotlarga ko‘ra, reys mahalliy vaqt bilan soat 18:20 da belgilangan manzilga jo‘naydi.
Bundan avval O‘zbekistondan Moskvaga uchgan ikki aviareys boshqa aeroportlarga yo‘naltirilgani haqida xabar berilgandi. Shuningdek, havo kemasining kech kelishi munosabati bilan Toshkent—Antaliya—Toshkent HY3223/3224 yo‘nalishi bo‘yicha parvoz o‘zgartirilgan jadval bo‘yicha amalga oshirilgani haqida xabar berilgandi.
- Moskvadan Toshkentga uchayotgan aviareys kechiktirildi.
- Maxachkala—Toshkent bo‘yicha parvozlar bir oy davomida kechikishi mumkin.
- Toshkentdan Laxorga uchadigan reyslar bekor qilindi.
- Pokiston va Hindiston chegarasidagi havo cheklovlari sabab Uzbekistan Airways parvozlarida majburiy o‘zgarishlar bo‘ladi.
Izoh (0)