Maxachkala—Toshkent yo‘nalishi bo‘yicha parvozlar bir oy davomida kechikishi mumkin. Bu haqda Uzbekistan Airways xabar berdi.
Ma’lum qilinishicha, 1-maydan 31-maygacha Uzbekistan Airways Maxachkala—Toshkent yo‘nalishi bo‘yicha parvozlari kechikishi mumkin. Bu Haj—2025 dasturining o‘tkazilishi va Maxachkala xalqaro aeroportida yo‘lovchilar oqimining ko‘payishi bilan bog‘liq.
Aeroportga yetib kelishni oldindan rejalashtirishni va parvozdan oldingi nazoratdan o‘tishda yuzaga kelishi mumkin bo‘lgan kechikishlarni inobatga olish so‘raldi.
O‘zbekistondagi 2025-yilgi haj mavsumi 13-maydan boshlanadi.
Haj mavsumida O‘zbekistondan Saudiya Arabistoniga charter aviaqatnovlar yo‘lga qo‘yiladi. Joriy yilda Uzbekistan Airways 6 mingdan ziyod ziyoratchi tashuvini amalga oshiriladi.
Izoh (0)