Uzbekistan Airways’ning Toshkentdan Nyu Yorkka uchgan samolyoti ikki marta favqulodda qo‘ndirildi. Bu haqda aviakompaniya matbuot xizmati xabar berdi.
5-noyabr kuni HY101 reysi Rossiya fuqarosi bo‘lgan yo‘lovchining o‘zini yomon his qilgani sababli soat 07:35 da Toshkent xalqaro aeroportiga qaytarilgan. Yo‘lovchi tibbiy yordam mashinasi orqali tibbiy muassasaga jo‘natilgan.
Ushbu reys bir necha soatdan so‘ng yana Nyu Yorkka jo‘nab ketgan, biroq parvoz paytida qatnovdagi homilador yo‘lovchida erta to‘lg‘oq boshlangani sababli samolyot Kanadadagi Goose Bay zaxira aeroportiga qo‘ndirilgan. Bortga tibbiy xodimlar chiqib, homilador yo‘lovchini gospitalizatsiya qilish to‘g‘risida qaror qabul qilgan.
HY101 reysi Toshkent vaqti bilan soat 22:12 da Goose Bay zaxira aeroportidan jo‘nab ketgan va soat 00:35 da Nyu Yorkka qo‘ngan.
Aviaompaniya xabarida homilador ayol qaysi davlat fuqarosi ekanligi ko‘rsatilmagan. Kanada qonunchilgi bo‘yicha ushbu davlatda tug‘ilgan chaqaloqlar avtomatik ravishda Kanada fuqaroligiga ega bo‘ladi.
Izoh (0)