Ижтимоий тармоқларда аэропортда жанжал бўлаётгани, соат 11:40 Тошкентдан Шарм ал-Шайхга учиши керак бўлган самолёт соат 18:40 га қолдирилгани ҳақида хабарлар тарқалди. Ҳолат юзасидан Uzbekistan Airports изоҳ берди.
Маълум қилинишича, Fly Кҳива авиакомпаниясининг Тошкент–Шарм ал-Шайх–Тошкент йўналиши бўйича рейси Тошкент аэропортида техник сабабларга кўра кечиктирилган.
Қайд этилишича, йўловчилар айни вақтда терминалнинг стерил зонасида бўлиб, иссиқ овқат билан таъминланган. Авиакомпания вакиллари эса уларнинг барча мурожаатларига тезкорлик билан жавоб бераётгани қўшимча қилинди.
Дастлабки маълумотларга кўра, рейс маҳаллий вақт билан соат 18:20 да белгиланган манзилга жўнайди.
Бундан аввал Ўзбекистондан Москвага учган икки авиарейс бошқа аэропортларга йўналтирилгани ҳақида хабар берилганди. Шунингдек, ҳаво кемасининг кеч келиши муносабати билан Тошкент—Анталия—Тошкент HY3223/3224 йўналиши бўйича парвоз ўзгартирилган жадвал бўйича амалга оширилгани ҳақида хабар берилганди.
Изоҳ (0)