16-may kuni Moskvadan (Domodedovo) Toshkentga HY604 aviaqatnovi bilan uchayotgan aviareys kechiktirildi. Bu haqda Uzbekistan Airways xabar berdi.
Unda aytilishicha, texnik sabablarga ko‘ra, shuningdek, havo kemasining tayyor emasligi sababli faqat 16-may kuni Moskva (Domodedovo) – Toshkent yo‘nalishi bo‘yicha HY604 aviaqatnovi kechiktirildi.
Yaqin vaqt ichida havo kemasi aviaqatnovga tayyorligi haqida ma’lumot beriladi va parvoz tashkil etiladi. Uzbekistan Airways tomonidan ushbu aviaqatnov yo‘lovchilari uchun barcha qulay sharoitlar yaratilishi qayd etildi.
Yo‘lovchilarga batafsil ma’lumot aviakompaniyaning Moskvadagi vakolatxonasi tomonidan tez orada taqdim etiladi.
Noqulayliklar uchun uzr so‘raldi.
Bundan avval O‘zbekistondan Moskvaga uchgan ikki aviareys boshqa aeroportlarga yo‘naltirilgani haqida xabar berilgandi. Shuningdek, havo kemasining kech kelishi munosabati bilan Toshkent—Antaliya—Toshkent HY3223/3224 yo‘nalishi bo‘yicha parvoz o‘zgartirilgan jadval bo‘yicha amalga oshirilgani haqida xabar berilgandi.
Izoh (0)