Italiyaning Verona shahrida joylashgan Palazzo Maffei muzeyida sayyohlar Swarovski kristallari bilan bezatilgan kresloni sindirib qo‘ydi. Bu haqda Daily Mail xabar berdi.
Kuzatuv kamerasi yozuvida erkak avvaliga suratga tushish uchun kresloga o‘tirayotgandek ko‘rinadi, so‘ng esa butun vazni bilan unga suyanadi. Uning og‘irligi ostida kreslo qulab tushadi va sayyoh yiqilmaslik uchun devordan ushlashga harakat qiladi.
Unga hamrohlik qilgan ayol turishga yordam beradi, shundan so‘ng juftlik hodisa haqida muzey xodimlariga xabar bermasdan zalni tark etadi.
Muzey ma’muriyati bu voqeani “har qanday muzey uchun dahshatli holat” deb atadi. Bir necha kunlik ish natijasida restavratorlar kresloni tiklashga muvaffaq bo‘lishganini ham ma’lum qildi.
Izoh (0)