Shavkat Mirziyoyev boshchiligida o‘tkazilayotgan xizmatlar sohasida amalga oshirilayotgan ishlar va kelgusi yil rejalar masalalariga bag‘ishlangan videoselektor yig‘ilishida shaharlarning qiyofasini o‘zgartirish haqida gapirildi.
Xususan, Toshkent shahrida amalga oshirish mumkin bo‘lgan ba’zi loyihalar keltirib o‘tildi.
“Misol uchun, Sergeli tumanida 16 kilometr uzunlikdagi yerusti metrosi atrofida tungi yoritgich, o‘rindiq, sport va boshqa infratuzilma tashkil etish hisobiga savdo va xizmat ko‘rsatish sohasida 5 mingta ish o‘rni yaratish bo‘yicha taklif bildirilgan. Bunday takliflar menga ma’qul.
Yoki poytaxt tadbirkorlarining shahar hududida san’at, rassomchilik, haykaltaroshlik, hunarmandchilik vakillarini keng jalb qilib, yirik ‘san’at ko‘chalari’ni yaratish takliflarini ham qo‘llab-quvvatlayman”, – dedi prezident.
Bundan tashqari, Fransiya, Italiya, Turkiyadan restavrator va muzey ishi mutaxassislarini olib kelib, barcha muzeylarni zamonaviy qiyofaga keltirish va “omborda chang bosib yotgan” noyob eksponatlarni namoyishga qo‘yishni tashkil qilish zarurligi ko‘rsatib o‘tildi.
Mavzuga doir:
- “Aholisi ko‘p shaharlardagi 10 mingga yaqin ko‘p qavatli uylarning noturar obyekt sifatida 10 foizidan ham foydalanilmayapti” – Shavkat Mirziyoyev
- “Odamlar halok bo‘ldi, haliyam Xudo bizni asradi” – Shavkat Mirziyoyev Denovdagi portlash haqida gapirdi
- O‘zbekistonda 2022-yilda 158 ta tumanda xizmatlarni rivojlantirish uchun 1 trillion so‘m ajratiladi
Izoh (0)