Tarix hikoyalardan boshlanadi
Safaringiz oddiy “ta’til” emas, balki chinakam hodisalarga boy bo‘lishi uchun nimalar lozim?
Yaxshi hamrohlar, biroz tashkilotchilik ishlari, hayratlanarli hodisalar — va ajablanarlisi shundaki, unchalik katta bo‘lmagan mablag‘.
Xarajatlarni qanday hisoblash mumkin, yo‘nalishga yana nimalarni kiritish kerak va safar to‘lovini 50 kun kechiktirish yo’li bilan sayohatga chiqish mumkinmi? — hozir hammasini o‘rtoqlashamiz.
Yaxshilab joylashib oling. Shunda matnni o‘qish ham, xarajatlarni hisoblash ham qulayroq bo‘ladi.
Samarqand — O‘zbekistonning "yuragi"
Buyuk Ipak yo‘lining markazi — bu Samarqand. Bu yerda sharqona me’morchilik va Temur imperiyasi ruhi sizni ilk qadamingizdayoq o‘z domiga tortadi. Bu yerda hatto shunchaki bo‘lishning o‘zi go‘zal — ayniqsa, Registon maydonida. Bu maskanning muhitini his qilish kishini maftun etadi va hayratga soladi!
Nimalarni ko‘rish kerak?
Albatta tashrif buyurish lozim bo‘lgan maskanlardan biri, shubhasiz, Registon bo‘lib, u uchta madrasadan iborat: Sherdor, Tillakori va Ulug‘bek madrasalari. Bularning barchasi bitta me’moriy majmuada joylashgan.
Kirish chiptasi: 50 000 so‘mdan boshlanadi.
Ikkinchi muhim manzil — bu Shohi Zinda. Bu joyni “Samarqand durdonasi” deb atashadi. Aslida, Shohi Zinda — 11 nafar buyuk sarkarda va ularning zavjalari dafn etilgan maqbaradir.
Kirish: 40 000 so‘mdan.
Go‘ri Amir maqbarasi — bu Amir Temur, uning o‘g‘illari Shohrux va Mironshoh, shuningdek, nevaralari Ulug‘bek va Muhammad Sulton dafn etilgan muqaddas maskan.
Ulug‘bek rasadxonasi — XV asrda bunyod etilgan bo‘lib, Markaziy Osiyoni ilm-fan markaziga aylantirgan inshoot hisoblanadi.
Kirish: 25 000 so‘mdan.
Samarqandda nimalarni tanovvul qilib ko‘rish kerak?
Bu taom haqida afsonalar yuradi — u hatto YuNESKOning madaniy merosi ro‘yxatiga ham kiritilgan. Uni qadim-qadimdan pishirib kelishadi, har bir oila esa o‘zining noyob retseptini avloddan avlodga yetkazadi. Bu — hazrati osh, ya’ni palov!
Har bir hududda palovning o‘ziga xos usuli bor. Samarqandda esa uni aralashtirishmaydi — qatlamlab pishirishadi: birinchi qatlamga guruch, ikkinchisiga sabzi, oxirida esa go‘sht solinadi. Bularning barchasi vitamin va minerallarga boy zig‘ir yog‘ida tayyorlanadi.
Samarqand shahridagi o‘rtacha mehmonxona narxi: 550 000 so‘mdan.
Toshkent shahridan Samarqandgacha yo‘l haqi: 160 000 so‘mdan boshlab.
Sayohatlar ba’zida kutilmagan bo‘ladi va bunga har doim tayyor bo‘la olmaysiz. Aynan shunday holatlar uchun InfinBANK sizga moliyaviy yostiq vazifasini o‘taydigan maxsus mahsulotni taklif etadi. Bu — do‘stlar va yaqinlardan qarz so‘ramasdan, bevosita bankdan olinadigan qulay yechimdir.
Buxoro — ochiq osmon ostidagi muzey
Buxoro — bu go‘yo shinam ichki hovli bo‘lib, har bir burchagi ma’no va tarix bilan to‘la. Bu yerda odam chinor soyasida choy ichgisi, shunchaki sayr qilgisi keladi.
O‘zbekistonning eng qadimiy shaharlaridan biri bo‘lib, har bir qadamingizda an’analar va san’atni his qilasiz.
Nimalarni ko‘rish kerak?
Buxoro arki — shaharning bosh qal’asi bo‘lib, ilgari Buxoro amirlari uchun qo‘rg‘on bo‘lib xizmat qilgan. Ming yillik tarixni ko‘rish va his etish imkoniyati.
Kirish: 60 000 so‘mdan.
Kalon minorasi va Kalon masjidi — XII asrda barpo etilgan bu inshoot balandligi 47 metrni tashkil etadi. Kalon masjidi esa bugungi kungacha faol bo‘lib, bir vaqtda 12 000 nafardan ortiq kishini sig‘dira oladi.
Majmuaga kirish narxi: 50 000 so‘mdan boshlanadi.
Labi-Hovuz — madrasalar va choyxonalar bilan o‘ralgan yashil hovuz. Tarixiy maskanlarni sayr etayotganingizda tushlik qilish yoki hordiq chiqarish uchun ajoyib joy.
Tashrif bepul, tushlik esa InfinBLACK kredit kartasi orqali to‘lanishi mumkin.
Buxorada nimalarni tanovvul qilish kerak?
Buxoro o‘zining ko‘mirda pishirilgan eng mazali go‘shti — shashligi bilan mashhur!
An’anaviy qo‘y go‘shtidan tortib, haqiqiy delikates hisoblangan jigar shashligigacha, barchasi sharqona urf-odatlarga sodiq holda tayyorlanadi.
Buxoro shahridagi o‘rtacha mehmonxona narxi: 500 000 so‘mdan.
Toshkentdan Buxorogacha yo‘l haqi: 175 990 so‘mdan boshlab.
InfinBLACK kredit kartasi butun dunyo bo‘ylab qabul qilinadi va ham offlayn, ham onlayn to‘lovlar uchun qulay. Mehmonxona bron qilish (masalan, booking.com sayti orqali) va kundalik xarajatlarni to‘lash uchun ham juda mos.
Xiva — chinakam sharqona ertaklar dunyosi
Agar Samarqand — “yurak”, Buxoro — “muzey” bo‘lsa, Xiva — bu vaqt go‘yo to‘xtab qolgandek tuyuladigan haqiqiy sharq ertaklari dunyosidir.
Xivada nimalarni ko‘rish lozim?
Ichan-Qal’a — Xivaning qadimiy shahri bo‘lib, devorlar bilan o‘ralgan. Qal’adagi ko‘plab inshootlar o‘zining asl holatini saqlab qolgan.
Ichan-Qal’a YuNESKO merosi sifatida e’tirof etilgan.
Kirish chiptasi: 100 000 so‘mdan boshlanadi.
Kalta Minor yoki “qisqa minora” — Muhammad Aminxon madrasasiga qo‘shilmagan holda qolib ketgan me’moriy obida.
Bu inshoot Ichan-Qal’a qal’asining o‘zida joylashgan bo‘lib, noodatiy tuzilmasi bilan mashhur: minoraning poydevori yer ostiga 15 metr chuqurlikda tushgan, diametri esa 14,2 metrni tashkil etadi.
Xon farmoni bilan minoraning balandligi 80 metr bo‘lishi kerak edi, biroq bu orzu ro‘yobga chiqmadi.
Xivada nimalarni tatib ko‘rish kerak?
Shivit osh — Xivaga xos eng mashhur taom!
Bu — shivitli (ukropli) lag‘mon bo‘lib, odatda go‘sht va sabzavotlar bilan tortiladi.
Tuxum barak — yana bir mashhur Xiva taomi.
Bu — ichiga chayilgan tuxum solingan chuchvaraga o‘xshash taomdir.
Samarqand shahridagi o‘rtacha mehmonxona narxi: 550 000 so‘mdan.
Toshkentdan Samarqandgacha yo‘l haqi: 160 000 so‘mdan boshlab.
Shuni e’tiborga olish kerakki, keltirilgan narxlar o‘rtacha hisobda berilgan bo‘lib, tanlangan qulaylik darajasiga qarab o‘zgarishi mumkin.
Sayohat paytida, xoh yurt ichida, xoh chet elda bo‘lsin, o‘zingizni qulay his qilish uchun qo‘shimcha mablag‘ga ega bo‘lish muhim.
InfinBANK erkin sayohatlar uchun ajoyib vosita hisoblangan InfinBLACK kredit kartasini taklif etadi.
Bu karta 50 kungacha foizsiz davr bilan ta’minlangan.
Qayta tiklanuvchi kredit limiti — 50 000 000 so‘mgacha.
Foiz stavkasi — 25,55 % dan boshlab.
Kartani bankning InfinBank ilovasi orqali buyurtma berishingiz mumkin.
Sayohatdan tashqari, kredit karta kundalik xarajatlar uchun ham juda mos: taksi xizmatlari, ovqat yetkazib berish, onlayn xaridlar va boshqalar.
Sayohatga chiqing, to‘lovni esa maosh olganingizda, ya’ni 50 kun ichida amalga oshiring.
Chegaralarsiz sayohat qiling — o‘zingizni haqiqiy sharqona ertakdagidek his qiling.
Reklama huquqi asosida
Izoh (0)