Vyetnamda “milliy meros” deb e’lon qilingan qadimiy taxtning bir qismini sindirib qo‘ygan erkak hibsga olindi. Bu haqda “”Pravila jizni” xabar berdi.
Hodisa Hyue shahridagi eng muhim inshootlardan biri sanalgan Thay Hoa saroyida sodir bo‘lgan. Bu yerda ilgari rasmiy marosimlar o‘tkazilgan imperator saroyi joylashgan. Hozirda u muzey sifatida faoliyat yuritmoqda.
24-may kuni “kuchli mastlik alomatlari bo‘lgan” erkak saroyga tashrif buyurib, eksponat atrofidagi to‘siqdan o‘tib ketgan. U taxtga o‘tirib, “tuturiqsiz gaplar gapirgan va qichqira boshlagan”. So‘ng marosimlar o‘tkaziladigan tarixiy taxtning chap tirsak suyanchig‘ini sindirib qo‘ygan.
Politsiya erkakni qo‘lga olib, psixiatriya ekspertizasiga yo‘lladi. Voqea sodir bo‘lgan hududda xavfsizlik choralari kuchaytirildi.
Ma’lumotlarga ko‘ra, bu sindirilgan taxt Vyetnamda 1802-yildan 1945-yilgacha hukmronlik qilgan so‘nggi imperator — Nguyen sulolasi vakillari uchun ishlab chiqilgan. Ular Hyue shahriga asos solgan va uni poytaxtga aylantirgan. Bu shahardagi qirollik saroylari, marosim o‘tkaziladigan joylar, maqbaralar va boshqa obidalar YUNESKOning Jahon merosi ro‘yxatiga kiritilgan.
Avvalroq Italiyada bir ayol muzeyda yiqilib, XVI asrga oid rasmga zarar yetkazgan edi. Rassom Alessandro Bonvichinoga (Moretto da Breshiya nomi bilan tanilgan) tegishli ikki tomonlama polotno zarar ko‘rgan. Rasmning bir tomonida ikki avliyo, ikkinchi tomonida esa Muqaddas Maryam tasvirlangan edi.
Izoh (0)