Germaniyalik futbolchi Florian Virts “Liverpul” aʼzosiga aylandi. Bu haqda klub matbuot xizmati xabar berdi.
22 yoshli futbolchi tibbiy ko‘rikdan muvaffaqiyatli o‘tdi va 2030-yilgacha bo‘lgan shartnomani imzoladi.
“Liverpul” Virts uchun 100 mln funt sterling to‘lov qiladi. Shuningdek, yana 16,5 mln funt bonuslar sifatida to‘lab beriladi. Shartnoma imzolangandan so‘ng Virts intervyu berdi:
“O‘zimni juda baxtiyor va faxrli his qilyapman. Nihoyat, barchasi yakunlandi. Yanada katta hayajondaman, chunki mening oldimda yangi bir sayohat turibdi. Men uchun Bundesligani tark etib, Premyer-ligaga o‘tish katta qaror edi. Birinchi o‘yinimni o‘ynashni sabrsizlik bilan kutyapman”.
Virts 2023/24-yilgi mavsumda “Bayer”bilan Bundesligada g‘olib bo‘ldi. Shuningdek, u jamoasi bilan Yevropa Ligasi finalchisiga aylandi.
Virts bugunga qadar Germaniya terma jamoasi safida 31 ta o‘yin o‘tkazib, 7 ta gol urgan.
Izoh (0)