“Napoli” klubi “Liverpul” safida to‘p surayotgan ikki hujumchi — Darvin Nunyes va Federiko Kyezani transfer qilishni rejalashtirmoqda. Bu haqda La Repubblica nashriga tayanib TEAMtalk xabar berdi.
Manbaga ko‘ra, mersisaydliklar ikki futbolchini sotish orqali jami 105 million yevro daromad olishni mo‘ljallamoqda. “Napoli” esa kelasi hafta ushbu futbolchilar bo‘yicha rasmiy taklif bilan chiqishi mumkin.
Qayd etilishicha, neapolliklar ustozi Antonio Konte aynan shu ikki futbolchini o‘z jamoasida ko‘rishni istamoqda va ularning transferiga bevosita qiziqish bildirgan.
Ma’lumot uchun, Federiko Kyeza 2024-yil yozida “Liverpul”ga kelib qo‘shilgan. U ingliz klubida 14 ta o‘yin o‘tkazib, 2 ta gol va 2 ta golli uzatmaga mualliflik qilgan. Darvin Nunyes esa o‘tgan mavsumda barcha musobaqalar doirasida 47 ta uchrashuvda maydonga tushib, o‘z hisobiga 7 ta gol va 7 ta assist yozdirib qo‘ygan.
Izoh (0)