Shou-biznesda obro‘, shuhrat va boylikni mashhur ota-onalaridan meros qilib olgan ko‘plab taniqli shaxslar bor. Biroq, bu sohada qiyin o‘tgan bolalikka qaramay, hayratlanarli darajada yuqori martabaga erishganlar ham bor. E’tiboringizga o‘z nomini o‘zi yaratgan yulduzlarni taqdim etamiz.
Merilin Monro
Kichkina Norma Jinning faqat onasi bor edi. Afsuski, ruhiy muammolar va moddiy qiyinchiliklar tufayli ayol qizini yetimxonaga topshirishga majbur bo‘ldi. Bolalar uylari orasidagi sarson-sargardonliklar, onasi 11 yoshli qizini uyga qaytarib olishga qaror qilgach, barham topdi. Ammo o‘gay otasining tazyiqlari kelajakdagi yulduzni yana uydan ketishga va mustaqil hayot qurishga undadi.
Koko Shanel
Kokoning onasi tug‘ish paytida vafot etdi. Ikki qizning otasini esa hech qachon namunali deb bo‘lmasdi. U kelajakdagi mashhur ayol endigina 11 yoshga to‘lganida ularni tashlab ketdi. Shu sababli qizlar monastir qoshidagi yetimxonaga tushib qolishdi. Aynan o‘sha yerda kichkina Gabrielda ayollarni chiroyli liboslar bilan kiyintirish orzusi tug‘ildi.
Pirs Brosnan
Pirs atigi bir yoshda ekanligida otasi oilani tark etdi. Bolaning onasi ham o‘g‘lini tarbiyalashga moyil emas edi, shuning uchun uni o‘zining keksa ota-onasiga topshirdi. Ularning vafotidan so‘ng Brosnan "Masih birodarlari maktabi"ga tushdi, u yerda itoatsizligi uchun qattiq jazolanardi.
Bo‘lajak Gollivud aktyorining onasi o‘g‘lini 10 yoshida uyiga olib ketdi. Otasi esa faqat Pirs jahon shuhratiga erishgandan keyingina o‘zini eslatdi.
Nikol Richi
Ammo barcha yetim yulduzlar kattalarning mas’uliyatsizligi tufayli o‘z holiga tashlab qo‘yilmagan. Masalan, Nikolning otasi Layonel Richining musiqa jamoasida ishlagan. U Nikol ikki yoshga to‘lganida vafot etgan. Bu fojiali voqeadan so‘ng pop-ijrochi qizaloqni o‘z qaramog‘iga olib, unga eng yaxshi sharoitlarni yaratib bergan.
Erkalatib o‘stirilgani sababli Nikol juda erta yoshdan taqiqlangan moddalarga qiziqib, ziyofatlarda vaqtini behuda o‘tkazgan. Biroq kelajakdagi turmush o‘rtog‘i bilan tanishgach, normal hayotga qaytishga muvaffaq bo‘lgan.
Jek Nikolson
Jekni buvisi va bobosi tarbiyalagan. U uzoq vaqt davomida aynan ular o‘zining ota-onasi ekanligiga ishongan. Ammo jurnalistlar uning biologik onasi aslida katta opasi ekanligini ko‘rsatuvchi faktlarni aniqlashgan.
Nikolson haqiqatni bilgan paytda uning haqiqiy onasi va buvisi allaqachon hayotdan ko‘z yumgan edi.
Izoh (0)