Шоу-бизнесда обрў, шуҳрат ва бойликни машҳур ота-оналаридан мерос қилиб олган кўплаб таниқли шахслар бор. Бироқ, бу соҳада қийин ўтган болаликка қарамай, ҳайратланарли даражада юқори мартабага эришганлар ҳам бор. Эътиборингизга ўз номини ўзи яратган юлдузларни тақдим этамиз.
Мерилин Монро
Кичкина Норма Жиннинг фақат онаси бор эди. Афсуски, руҳий муаммолар ва моддий қийинчиликлар туфайли аёл қизини етимхонага топширишга мажбур бўлди. Болалар уйлари орасидаги сарсон-саргардонликлар, онаси 11 ёшли қизини уйга қайтариб олишга қарор қилгач, барҳам топди. Аммо ўгай отасининг тазйиқлари келажакдаги юлдузни яна уйдан кетишга ва мустақил ҳаёт қуришга ундади.
Коко Шанель
Коконинг онаси туғиш пайтида вафот этди. Икки қизнинг отасини эса ҳеч қачон намунали деб бўлмасди. У келажакдаги машҳур аёл эндигина 11 ёшга тўлганида уларни ташлаб кетди. Шу сабабли қизлар монастир қошидаги етимхонага тушиб қолишди. Айнан ўша ерда кичкина Габриэлда аёлларни чиройли либослар билан кийинтириш орзуси туғилди.
Пирс Броснан
Пирс атиги бир ёшда эканлигида отаси оилани тарк этди. Боланинг онаси ҳам ўғлини тарбиялашга мойил эмас эди, шунинг учун уни ўзининг кекса ота-онасига топширди. Уларнинг вафотидан сўнг Броснан "Масиҳ биродарлари мактаби"га тушди, у ерда итоатсизлиги учун қаттиқ жазоланарди.
Бўлажак Голливуд актёрининг онаси ўғлини 10 ёшида уйига олиб кетди. Отаси эса фақат Пирс жаҳон шуҳратига эришгандан кейингина ўзини эслатди.
Никол Ричи
Аммо барча етим юлдузлар катталарнинг масъулиятсизлиги туфайли ўз ҳолига ташлаб қўйилмаган. Масалан, Николнинг отаси Лаёнел Ричининг мусиқа жамоасида ишлаган. У Никол икки ёшга тўлганида вафот этган. Бу фожиали воқеадан сўнг поп-ижрочи қизалоқни ўз қарамоғига олиб, унга энг яхши шароитларни яратиб берган.
Эркалатиб ўстирилгани сабабли Никол жуда эрта ёшдан тақиқланган моддаларга қизиқиб, зиёфатларда вақтини беҳуда ўтказган. Бироқ келажакдаги турмуш ўртоғи билан танишгач, нормал ҳаётга қайтишга муваффақ бўлган.
Жек Николсон
Жекни бувиси ва бобоси тарбиялаган. У узоқ вақт давомида айнан улар ўзининг ота-онаси эканлигига ишонган. Аммо журналистлар унинг биологик онаси аслида катта опаси эканлигини кўрсатувчи фактларни аниқлашган.
Николсон ҳақиқатни билган пайтда унинг ҳақиқий онаси ва бувиси аллақачон ҳаётдан кўз юмган эди.
Изоҳ (0)