Karyerasi boshidagi rad javoblarga qaramay, muvaffaqiyatga erishgan jahonga mashhur insonlar (foto)

Tasavvur qilish qiyin, ko‘plab taniqli ayollar karyerasining boshida “Siz Gollivud uchun yetarlicha go‘zal emassiz” kabi tanqidiy so‘zlarni eshitishgan. Misol uchun, Jessika Chesteynni yoqimsiz, Gvinet Peltrouni juda oddiy deb fikr bildirishgan. Quyida ana shunday mashhurlarning bir nechtasini e’tiboringizga havola etamiz.

Jessika Chesteyn

Jessika Chesteynning fikricha, uning aktyorlik mahorati ko‘pincha tashqi ko‘rinishi orqali baholangan. Ammo aktrisani so‘nggi 5 yil ichida jozibali deb topishdi. Bungacha Chesteynga rol berilmagan, u rad etilishini uning yetarlicha go‘zal emasligi bilan izohlagan.

Maykl Jekson

Maykl Jeksonning Billie Jean hiti deyarli 40 yoshda. Barcha davrlarning eng ko‘p sotilgan taronalaridan biri bo‘lgan afsonaviy qo‘shiq bir paytlar prodyuserga yoqmaganiga ishonish qiyin. U qo‘shiqni albom uchun mosmas deb hisoblagan. Uzoq davom etgan bahs-munozaralar davomida Jekson o‘z yo‘lini topdi va qo‘shiq qisqartirilgan versiyada bo‘lsa ham, albomga kiritildi.

Anna Vintur

Anna Vintur 9 oy davomida Harper’s Bazaar jurnalida moda muharriri bo‘lib ishlagan. U ishdan bo‘shatilgan, chunki uning boshchiligida olingan suratlar nashr uchun juda provokatsion deb hisoblangan. Vintur taslim bo‘lmadi va keyinchalik Vogue jurnalining bosh muharriri lavozimini egalladi.

Jiji Xadid

Modelning eslashicha, maktabdan keyin uning qomati voleybolga bo‘lgan ishtiyoqi tufayli sportchilarnikidek edi. Karyerasining boshida model bilan hamkorlik qilgan dizaynerlar uni mushakdor deb hisoblagan va qizni yopiqroq kiyintirishga harakat qilgan. Jan-Pol Gotye Xadidga podiumda o‘zi holicha qolishda yordam bergan birinchi modelyer edi. Bu kelajakda supermodel uchun katta yordam bo'ldi.

Gvinet Peltrou

Aktrisa birinchi kastingda qiyinchilikka uchragan. Masalan, “Oltin darvoza” filmi prodyuserlariga aktrisa “juda oddiy” bo‘lib tuyulgani uchungina rol bermagan. Tanqidchilar hali ham Peltrouning tashqi ko‘rinishini muhokama qiladi. Ammo aktrisa ularga e’tibor bermaydi va o‘z hayotidan, muvaffaqiyatli karyerasidan zavqlanishda davom etadi.

Pink

2017 MTV Video Music Awards marosimida Pink ta’sirli nutq so‘zladi. Unda u o‘zini xunuk deb bilishini aytgan olti yoshli qiziga murojaat qildi. Pink o‘zini ham tez-tez tanqid qilishlarini, ammo bu uning o‘ziga ishonch va go‘zalligi bilan faxrlanishiga to‘sqinlik qilmaganini aytib o‘tgan.

Krissi Taygen

Krissi Taygen bir vaqtlar brendlardan biri uning ortiqcha vazni tufayli u bilan hamkorlikni to‘xtatganini aytib o‘tgan. Kompaniya vakillari modeldan o‘lchovlar olishni xohladi, chunki ularning fikricha, Taygen unchalik nozik emas edi. Aytishga hojat yo‘q, Krissi boshqalar uchun o‘zgarmadi va shu holicha mashhur bo‘ldi.

Opra Uinfri

Jurnalist sifatidagi faoliyatining boshida Opra Uinfri kechki yangiliklar uchun muxbir bo‘lgan. U keyin ishdan bo‘shatilgan, ehtimol, Uinfri yangiliklar formati uchun juda hissiyotga berilgan edi. Bu holat uni to‘xtatmadi va yillar o‘tib u o‘z dasturini yaratdi: Opra Uinfri shousi. Bugungi kunda Uinfri muvaffaqiyatli mediamagnat bo‘lib, u o‘zining kinostudiyasi, jurnali, radio tarmog‘i va shaxsiy kabel telekanaliga ega.

Jizel Byundxen

Jizel Byundxen uzoq vaqtdan beri dunyodagi eng ko‘p maosh oluvchi supermodel bo‘lib kelmoqda. Lekin karyerasining boshida uning burni kattaligi va shakli uchun doimo tanqid qilinganligini tasavvur qilish qiyin. Yigirma yillik mashaqqatli mehnat, hayajonli fotosessiyalar va shoular ortidan Byundxen butun dunyoga haqiqiy go‘zallik standartlardan tashqarida ekanligini isbotladi.

Selena Gomes

Xonandaga hali ham tez-tez u yetarlicha jozibali emasligi va o‘zida biror narsani o‘zgartirishi kerakligini aytishadi. Biroq Gomes didi va o‘zligicha qolish qobiliyatiga ega bo‘lishni haqiqatan ham jozibali deb hisoblaydi.

Keyt Bekinseyl

Rejissor Maykl Bey “Perl-Xarbor” filmida aktrisani bosh rolga tayinlashdan xavotirda edi. Keyt Bekinseyl bu lahzani hanuzgacha eslab, rejissorga uning quyuq soch rangi va qiyofasi yoqmaganini taxmin qiladi. Keyin Bekinseyl bunga e’tibor bermaslikka qaror qildi va shunchaki ishlashni davom ettirdi. Natijada “Perl-Xarbor” uning eng yaxshi asarlaridan biriga aylandi.

Megan Markl

Karyerasini kinoda boshlagan Megan Markl tez-tez rad javoblarga duch kelardi. Unga yetarlicha nozik va go‘zal emas yoki aksincha, o‘ta nozik va juda chiroyli ekanligini aytishdi. Marklning so‘zlariga ko‘ra, u bunday fikrlarni doimo tinglagan. Ammo boshqa birovning tanqidi uning karyera qurishiga va baxtli bo‘lishiga to‘sqinlik qilmadi.

Merilin Monro

Faoliyatining boshida Merilinga aktrisa bo‘lishdan voz kechib, kotibalikka o‘tishni maslahat berishdi. Ammo Monro bunday tanqidlarga ahamiyat bermadi va o‘z maqsadiga erishdi. Natijada, Merilin Monroning obrazi mashhurlikka erishdi va o‘z davrining eng yorqin aktrisalaridan biri sifatida tanildi, butun dunyo bo'ylab tomoshabinlar tomonidan sevildi.