Oq uy parisining fojiali qismati: Jaklin Kennedi haqida hammaga ham ma’lum bo‘lmagan 10 ta fakt (foto)

Amerika xalqining faxri, 1960-yillarning moda timsoli va ko‘p jihatdan o‘rnak bo‘lgan ayol Jaklin Kennedi haqidagi ma’lumotlarni e’tiboringizga havola etamiz.

Vogue jurnalining muharriri bo‘lgan

Turmushga chiqquniga qadar jurnalistika bilan shug‘ullangan Jaklin, 21 yoshida Vogue jurnalining kichik muharriri lavozimini egallagan. Bir yarim yil davomi jurnalning Amerika keyin esa fransuz tahririyatida ishlagan.

O‘zining to‘y libosini yoqtirmagan

Enn Lou tomonidan tikilgan ko‘ylakni yoqtirmagan Kennedi xonim, uni lampaning qalpog‘iga o‘xshatgan. Ammo minglab amerikaliklar uning bu fikriga qo‘shilmagan va shunday obrazni o‘zlarida takrorlashni istagan. Jaklin tomonidan taqilgan vintaj uslubidagi fata esa uning buvisiga tegishli bo‘lgan. Jon Kennedi esa uning ko‘rinishini go‘zal va pariga o‘xshaydi deb hisoblagan. Shundan keyin odamlar Jaklinni Oq uyning parisi deb atay boshlagan.

Onasi hashamatli to‘yga qarshi bo‘lgan

Kennedi xonim to‘y marosimidan avval onasi va bo‘lajak qaynanasining suhbatini eshitib qolgan, onasi mehmonlar soning ko‘pligi (1500 taga yaqin)dan shikoyat qilgan. “Ochinkloss xonim, sizga lo‘ndasini aytaman. Siz shunchaki qizingizni uzatyapsiz. Men esa mazkur to‘yda mamlakatga AQShning bo‘lajak birinchi xonimini tanishtirishim kerak”, — degan Jozef Kennedi.

“Emmi” mukofotiga sazovor bo‘lgan

1960- yilda Jon Kennedi prezident bo‘lgach, Jekida Oq uyni qayta ta’mirlash imkoni paydo bo‘lgan. Bunday joyda tarixiy muhit hukm surishi kerak deb hisoblagan Jeki, noyob san’at qo‘mitasini tashkil qilgan. Loyihani moliyalashtirish bilan birga antikvar mebellar, idishlar va Amerika tarixi uchun ahamiyatli bo‘lgan boshqa narsalarni xarid qilgan. 1962-yilda CBS telekanali bilan birga amerikalik teletomoshabinlar uchun Oq uyda ekskursiya taskil qilgan. Shundan so‘ngra mamlakat merosini saqlashga qo‘shgan hissasi sabab “Emmi” mukofotiga loyiq ko‘rilgan. Hozirgi kunda uning mukofoti Massachusetsdagi Kennedi kutubxonasida saqlanadi.

Erining “surunkali” xiyonatlariga ko‘z yumgan

To‘ydan keyin hammasi idealdek ko‘ringani bilan unday bo‘lmagan. Jonning Merilin Monro bilan munosabatlari butun mamlakatda gap-so‘z bo‘lgan. Mish-mishlarga qaraganda kunlardan bir kuni xonanda, Oq uyga telefon qilib, Jaklinga uning eri bilan munosabatda ekanini doston qilgan. Bunga javoban birinchi xonim: “Juda ham ajoyib… Men ketaman va siz mening barcha muammolarimni hal qilasiz”, — deb javob bergan.

Jaklin turmush o‘rtog‘ining qoni bilan qoplangan kostyumni almashtirishdan bosh tortgan

Jonning Dallasda o‘ldirilishi butun mamlakat aholisi uchun kutilmagan holat bo‘lgan. U Jaklinning qo‘lida jon bergan. Ayolning ustidagi pushti Chanel kostyumi, uning qoni bilan “qoplangan”. Ammo bir necha soatdan so‘ng keyingi prezident Lindon Jonsonning qasamyodida ham Jeki, nima qilishganini hamma ko‘rib qo‘ysin, deb kiyimni almashtirishdan bosh tortgan. Shundan buyon o‘sha pushti kostyum motam ramziga aylangan va noyabrdagi o‘sha mudhish kunni esga solib turadi.

Mish-mishlarga qaraganda Robert Kennedi bilan munosabatda bo‘lgan

Jaklinning Robert bilan munosabatda bo‘lganiga isbot bo‘lmasa ham yildan-yilga ular o‘rtasida bir gap borligi haqida mish-mishlar bolalayveradi. Taxminlarga qaraganda, Jeki Robert sevgan yagona ayol bo‘lgan. Jonning o‘limidan keyin uni qo‘llab-quvvatlagani esa bu kabi gap-so‘zlar ko‘payishiga yana bir sabab bo‘lgan. Aytishlaricha, ularning munosabati uch yil davom etgan, ammo hech kim bu haqida og‘iz juftlay olmagan, oqibatda yopiq qozon yopiqligicha qolgan.

Kennediga yaqin oilalar 1964-yilning qishiga yaqin ularning har ikkisi ham bir-biriga bo‘lgan munosabatlarini yaqinlari orasida yashirmaganini ta’kidlagan. Robert prezidentlik saylovlarida qatnashishi arafasida esa juftlik bir-biridan uzoqlashgan. Ayriliqni hazm qilishi oson bo‘lmagan Jaklin keyinchalik milliarder Aristotel Onassis bilan uchrasha boshlagan va ko‘p o‘tmay ular turmush qurgan. Robert esa akasi singari suiqasd oqibatida vafot etgan.

Kennedilar la’natga uchraganmi?

Amerikalik jurnalistlarning Kennedilarning la’natlangani haqida bong urishiga, ularning birin-ketin fojiali vafot etgani sabab bo‘lgan. Katta Jon Jozefning otasi va uning rafiqasi Roza Fisjerarld Kennedining 9 farzandidan to‘rttasi yoshligida vafot etgan. Jon va Jaklinning ikki farzandi ham hayotdan ko‘z yumgan. O‘g‘li kichik Jon Kennedi esa 39 yoshida aviahalokatda vafot etgan. Robert Kennedining o‘g‘li Devid esa 28 yoshida kokain dozasini oshirib yuborishdan hayotdan ko‘z yumgan.

Jaklin Kennedi Nyu-Yorkning markaziy vokzalini saqlab qolgan

1975-yilda Nyu-Yorkning markaziy vokzalini buzish haqida qaror qabul qilingan. Bundan xabar topgan Jaklin bunga qarshi kurashgan va shahar hokimiga xat yozgan.

“Shahrimizning faxri bo‘lgan yodgorliklarni yo‘q qilib sekin-asta o‘likka aylanishiga qo‘yib berish vahshiylik emasmi? Uning go‘zalligi va tarixi qolmasa, farzandlarimiz nimadan ilhomlanadi? Farzandlarimiz shahrimizning o‘tmishidan ruhlanmasa, kelajagi uchun kurashishga qayerdan kuch topadi? Amerikaliklar o‘tmishini qadrlaydi, ammo qisqa muddatli manfaatni deb uni inkor qiladi va barcha qadrli joylarni buzib tashlaydi”.

Mazkur maktubdan keyin Jaklin nafaqat vokzal, balki Nyu-Yorkdagi Lafayet maydonini ham saqlab qolishga muvaffaq bo‘lgan.

Jaklin Kennedi muharrir sifatida muvaffaqiyatli karyera qilgan

Jekining kitoblarga bo‘lgan sevgisi hamisha yuqori bo‘lgan. Ikkinchi turmush o‘rtog‘i Aristotelning vafotidan keyin Nyu-Yorkka ko‘chib kelgan hamda Viking Press kitob nashrining konsalting muharriri bo‘lgan. Umrining oxiriga qadar esa Doubleday nashrining muharriri bo‘lib faoliyat yuritgan.