O‘xshashmi yoki yo‘q? Sevimli yulduziga o‘xshash uchun plastik jarrohlikni amalga oshirgan muxlislar (foto)

Mashhur insonlarning muxlislari odatda ularga o‘ta taqlid qilganidan tashqi ko‘rinishida ham bir qancha o‘zgarishlar olib boradi. Ba’zilari bu borada muvaffaqiyatga erishsa, yana boshqalarining taqdiri ayanchli yakun topishi ham mumkin. Ular odatda taniqli odamlarning o‘xshashiga aylanishdan zavqlanadi.

Keyt Uinslet va uning o‘xshashi

Texaslik Debora Davenport “Titanik” filmi namoyish etilganidan 20 yil o‘tib ham, sevimli aktrisasi Keyt Uinsletga o‘xshashni xohlayotganini tushundi. Shuningdek, yulduzning ko‘rinishiga ham qoyil qolgan edi va oxiri o‘zi ham jarrohlik amaliyotini o‘tkazishga qaror qildi. Plastik jarrohlikka 15 000 dollar sarflaganidan so‘ng Debora natijadan mamnun bo‘lib, baxtli ekanini tan oldi.

Bred Pitt va uning o‘xshashlari

2005-yilda amerikalik egizaklar Mett va Mayk Shlepp yuzlarini Bred Pittga o‘xshatish uchun o‘zgartirganda o‘z vatanidagina mashhurlikka erishdi. Afsuski, bu urinishlar ularga Gollivudda karyera qilishga yordam bermadi. Garchi o‘zlari natijadan mamnun bo‘lsa-da, hech kim ularni Bred Pitt deb qabul qilmadi.

Anjelina Joli va uning o‘xshashi

Albatta, Anjelinaga o‘xshashni orzu qiladigan muxlislar talaygina. Ammo aktrisaning sadoqatli muxlisasi nafaqat tashqi ko‘rinishida, balki hayot tarzida ham unga taqlid qilishga tayyor. 2013-yilda Nadya Suleman Joli singari ko‘p bolali ona bo‘lishni istagan edi va bunga erishdi. Uning 14 nafar farzandi bor. U sun’iy urug‘lantirish orqali 6 ta, keyin birdaniga 8 egizakni dunyoga keltirgan. Keyinchalik tashqi ko‘rinish borasida Joliga o‘xshash uchun operatsiya qildirishga qaror qildi. Oradan yillar o‘tib Nadya bilan bog‘liq janjalli vaziyatlar yuzaga kelgan, chunki uning qarzi million dollarga yaqinlashgan edi.

Jastin Biber va uning o‘xshashi

Tobi Sheldon kumiri Jastin Biberga o‘xshash uchun 100 ming dollardan ko‘proq mablag‘ sarfladi. Garchi Tobi ko‘plab operatsiyalardan so‘ng ham uning aniq nusxasiga o‘xshamagan bo‘lsa-da, televizion ko‘rsatuvlarning yulduziga aylandi. Ammo muxlisning taqdiri fojiali tarzda yakun topdi. Tobining yaqinlarining so‘zlariga ko‘ra, u sevgilisi bilan ajrashgandan keyin g‘oyib bo‘lgan va jasadi topilgach, uning yonidan bir qancha giyohvand moddalari topilgan.

Lindsi Loxan va uning o‘xshashi

Eshli Xorn Lindsiga o‘xshash uchun 18 yoshigacha 5 ta jarrohlik amaliyotini o‘tkazdi. Ushbu muolajalar uchun 25 000 dollar mablag‘ sarflagan. Natijaga esa o‘zingiz baho berishingiz mumkin.

Jennifer Lourens va uning o‘xshashi

O‘zini Kitti deb chaqirishlarini istaydigan navbatdagi qahramon ko‘p marotaba o‘zini Jennifer Lourensga o‘xshatishganini eshitgan. Shundan so‘ng u o‘xshashlikni maksimal darajada oshirishga qaror qilgan. Kitti nafaqat yuz ko‘rinishi, balki qomatida ham jarraohlik amaliyotini o‘tkazdi. Va buning uchun 25 000 dollarlar atrofida mablag‘ sarfladi.

Rayan Gosling va uning o‘xshashi

Nikolas kumiriga o‘xshash uchun unchalik ham o‘jarlik qilmagan. Shuning uchun u tashqi ko‘rinishida birozgina o‘zgartirish kiritdi va bu unga 5 000 dollarga tushgan. U yuqoridagi qahramonlar singari operatsiya uchun ko‘p pul sarflashni istamaydi.