Bu yulduzlar Gollivudning badavlat oilalarida ulg‘aygan, u yerda familiya ularga istalgan eshikni ochib berardi. Lekin biz boy va mashhur deb biladigan odamlarning ota-onalari farzandlari ko‘p millionlik boylikni o‘zlari topishlari kerak, deb qaror qilgan. Maqolada meros bilan bog‘liq mojarolar haqida so‘z boradi.
Dakota Jonson
Yulduzning otasi, xarizmatik Don Jonson, vorisiga “kollejga borasan — yordam olasan” deya an’anaviy taklif bilan chiqqan. Lekin yosh Dakota Jonson aktyorlik yo‘lini tanladi va natijada mashhur otasidan moliyaviy yordam ololmay qoldi.
“Sevgining ellik ifori” filmining yulduzi achchiq tabassum bilan o‘ziga oziq-ovqat sotib ololmay qolgan paytlar ham bo‘lganini eslagan. Unga onasi Melani Griffitning qo‘llab-quvvatlashi yordam bergan. Bu tanlov Dakota uchun qulayliklardan mahrum bo‘lishga sabab bo‘ldi, ammo yoshligidagi ochlik va suratga olish paytlaridagi mehnat uni mustaqil qildi.
Gvinet Peltroy
Ushbu Gollivud yulduzi hozirgacha boy merosxo‘r degan yorliqdan qutulishga harakat qiladi, chunki o‘n sakkiz yoshga to‘lgach, u butunlay moliyaviy qiyinchilikka duch kelganini aytadi. Gvinet Peltroyning otasi prodyuser Bryus Peltroy, qizi mustaqil bo‘lishi kerakligini bildirgan. Hech qanday ishonch jamg‘armalari, ijara uchun yordam yoki stipendiyaga qo‘shimchalar yo‘q edi.
Gvinetning “Oskar”dan tortib o‘z brendigacha bo‘lgan har bir muvaffaqiyati mehnat evaziga qo‘lga kiritilgan. Shunday qilib, bu hikoya — o‘z maqsadlari va istaklariga ishonadigan, ota-ona boyligidan ko‘ra mehnatga tayanadiganlarga hurmatdir.
Maykl Daglas
Gollivud afsonasi Kirk Daglas vafot etganida, uning o‘g‘li Maykl Daglas otasining 60 million dollarlik merosidan bir sent ham olmadi. Lekin bu oila ichida mojaro sababiga aylanmadi, chunki ular insonparvarlik tamoyillarini muqaddas bilishardi. Qashshoqlikda ulg‘aygan Kirk onasining “boshqalarga g‘amxo‘rlik qilish kerak” degan vasiyatiga amal qilgan. Uning rafiqasi Enn mulkni oqilona ko‘paytirdi va keyin ular birga qaror qilib, merosni xayriya ishlariga sarfladi.
Jeymi Li Kertis
Kertis oilasidagi fojia notarius huzurida yuz berdi. Aktyor Toni Kertis vafotidan bir necha oy oldin, uning oltinchi rafiqasi Jil (eridan 50 yosh kichik) erini vasiyatnomadan barcha farzandlarini chiqarib tashlashga ishontirdi. Jeymi Li Kertisning opa-singillari Kelli va Allegra ota vasiyatidagi o‘zgarish uning haqiqiy istagi emasligini, u aniq bosim ostida qolganini ta’kidladi.
Tori Spelling
Teleko‘rsatuvlar qiroli Aaron Spellingning qizi Tori har doim qirolichalardek yashagan. Ammo otasi o‘lgach, uning mol-mulki atigi 800 ming dollar ekanli ma’lum bo‘ldi, bu otasining 500 million dollarlik boyligiga nisbatan juda oz. Merosning katta qismi onasi Kendi nomiga o‘tgan. Tori esa atigi 0,16 foiz ulush olgan, bu uning moliyaviy muammolarining asosiy sababi bo‘lib qolmoqda.
Otasi millionlab tomoshabinlar uchun ertaklar yaratgan, ammo qizi “baxtli hayot”dan mahrum bo‘lgan. Asosiy xulosa shuki, hatto “badavlat oila”da tug‘ilganlarda ham eng qimmatli meros — bankdagi hisobda emas, balki o‘z qo‘lida.
Izoh (0)