Gollivud aktrisasi Dryu Berrimorning uyida olingan video TikTok tarmog‘ida tarqalib, ko‘plab muhokamalarga sabab bo‘ldi. Foydalanuvchilar boyligi 125 million dollarga baholangan mashhur aktrisaning uyi juda oddiy va kamtarona ko‘rinishidan hayratda ekanini yozishdi.
Barchasi aktrisa o‘zi bosh rolni ijro etgan “To‘ydagi xonanda” nomli filmni tomosha qilgan videosini internetga joylaganidan so‘ng boshlandi. Dryu mazkur film efirga uzatilayotganini ko‘rib qolgani uchun yoga mashg‘ulotini keyinga qoldirgani haqida oddiy xabar qoldirgan.
Biroq foydalanuvchilarni boshqa jihat o‘ziga jalb etdi: videoda ular taxminan 11 dyuymli kichik televizor va oddiy xonadonga e’tibor qaratdi. Badavlat aktrisaning bunday uyda yashashi muxlislarni hayron qoldirdi.
Videoga qoldirilgan izohlarda muxlislar yulduz yashaydigan xonadon ular kutganidan butunlay boshqacha ko‘rinishga ega ekanini qayd etdi. TikTok foydalanuvchilaridan biri:
Millionlab dollar mablag‘ga ega aktrisaning mehmonxonasida 11 dyuymli televizor borligi meni hayratga soldi, — deb yozdi.
Berrimorga muxlislarning bunday munosabati juda yoqdi va ularga kvartiraning boshqa xonalarini ko‘rsatishga qaror qildi. Videolardan birida oddiy futbolka va shim kiygan Dryu oshxonada kichik gaz plitasida tuxum qovurardi. Videoda aktrisa shu uyda qolishni yaxshi ko‘rishini va ko‘chaga kamdan kam hollarda chiqishini aytib o‘tdi.
Foydalanuvchilar Dryuning kundalik kiyimda va hech qanday pardozsiz videoga tushishini ham qayd etdi:
Aktrisa juda kamtar va yoqimli inson! Menimcha, u hayotda oddiy narsalarni yaxshi ko‘radi va kibrga berilmagan yulduzlardan hisoblanadi, — deya izoh qoldirgan TikTok foydalanuvchilaridan biri.
Izoh (0)