Kapitalbank ikkinchi bor xalqaro Top Employer sertifikatsiyasini muvaffaqiyatli o‘tib, HR jarayonlari, korporativ madaniyatva xodimlarni rivojlantirishdagi yuqori darajasini tasdiqladi.
Sertifikatsiya xalqaro Top Employers Institute tomonidan berilib, u BDO auditorlik kompaniyasi bilan hamkorlikda Kapitalbankning kadrlar bilan ishlash jarayonlari va xodimlarni boshqarish amaliyotlarini eng yaxshi xalqarostandartlarga muvofiqligini har tomonlama baholadi. Audit natijalariga ko‘ra, Kapitalbank O‘zbekistonda ushbu sertifikatsiyaga ega bo‘lgan birinchi va yagona bank bo‘lib, Top Employer Uzbekistan maqomini yana bir bor tasdiqladi.
— Xalqaro e’tirof — bu nafaqat HR departamenti va Kapital Academy jamoalari tomonidan amalga oshirilgan ishlar uchun berilgan yuqori baho, balki yanada rivojlanish uchun kuchli turtkihamdir, — deydi Kuzatuv kengashi Raisining maslahatchisi Oksana Lyndina. — Bank inson kapitali — barqaror o‘sish va raqobatbardosh ustunlikning asosi ekanini anglab, xodimlarni rivojlantirishga tizimli ravishda investitsiya kiritmoqda.
2025-yilning birinchi yarmidayoq xodimlar uchun o‘qish va rivojlanish mobililovasi “Kapital People” ishga tushirildi, startaplar akseleratori tashkil etildi, “Kapitalbank.Woman” ayollar liderligi dasturi va xodimlar tashabbusi bilan ijtimoiy mas’uliyat loyihasi “Ulkan qalblar” amalga oshirildi, Team University talabalariga mo‘ljallangan grant dasturi va boshqa ko‘plabtashabbuslar hayotga tatbiq etildi.
Top Employer Uzbekistan maqomini qo‘lga kiritish jamoani ruhlantiradi, tanlangan yo'nalishdagi to‘g‘riligini tasdiqlaydi hamda Kapitalbank xodimlari orasida va tashqi hamkorlar tomonidan ishonchni yanada mustahkamlaydi.
Bugun Kapitalbank — bu oddiy moliyaviy muassasa emas, balki o‘zaro qo‘llab-quvvatlovchi, hamkorlikda rivojlanishga intilayotgan 3500 dan ortiq xodimni birlashtirgan jamoadir. Bankning korporativ madaniyati doimiy o‘qitish, murabbiylik va faol ishtirok orqali xodimlar salohiyatini rivojlantirishga asoslangan.
Bank innovatsion loyihalarni joriy etishda, ta’lim dasturlarini kengaytirishda va universitetlar bilan faol hamkorlikda davom etmoqda. Bu esa yosh mutaxassislar uchun rivojlanish imkoniyatlarini yaratadi va xodimlarning kasbiy salohiyatini oshiradi.
Top Employers Institute haqida:
Top Employers Institute 30 yildan ortiq vaqtdan beri eng yaxshi ish beruvchilarni sertifikatsiyalash bilan shug‘ullanuvchi xalqaro tashkilotdir. 2025 yilda 125 mamlakat va mintaqadagi 2400 dan ziyod kompaniya Top Employer sertifikatsiyasini qo‘lga kiritib, 13 milliondan ortiq insonga ta’sir ko‘rsatdi. Bu e’tirof mazkur tashkilotlarning global miqyosda ilg‘or HR strategiyalari va xodimlar bilan ishlashning eng samarali usullarini joriy etishga bo‘lgan intilishini tasdiqlaydi.
Instagram: @kapitalbank.uz
Facebook: fb.com/akbkapitalbankuz
Telegram: t.me/kapital24
Bankda ish imkoniyatlari: @kapitalbank_career
Reklama huquqi asosida.
Izoh (0)