Ba’zida mashhur insonlar faqat o‘zlarining doirasidagilar bilan muloqot qiladi va oddiy odam bo‘lishni butunlay unutib qo‘yadi. Ammo hamma ham bunday emas. Yulduzlar orasida atrofidagi odamlarga faol ko‘maklashadigan, hayvonlarga g‘amxo‘rlik qiladigan va hatto begonalardan ham o‘z yordamini ayamaydiganlari bor. AdMe nashri mehribonligi tufayli ham yana bir bor hurmatga sazovor bo‘lgan aktyor va aktrisalar haqida qiziqarli ma’lumotlar bilan bo‘lishdi.
Rayan Reynolds
Gollivud aktyori Rayan kunlardan bir kuni 9 yoshli bolaga ajoyib sovg‘a tayyorladi. Aktyor o‘z muxlisi Demiyenning tug‘ilgan kuniga videomurojaat yo‘lladi. Demiyen tug‘ilgan kunidan bir kun avval oilasi bilan boshqa shaharga ko‘chib o‘tib, yangi maktabga borishi kerak edi. Shu tufayli o‘zining tug‘ilgan kunini do‘stlarisiz nishonlashidan xavotirga tushdi.
Rayanning so‘zlariga ko‘ra, uning o‘zi ham xuddi shunga o‘xshash holatni boshdan kechirgan. Aktyor Demiyenni yolg‘iz emasligiga ishontirdi va uni tug‘ilgan kuni bilan tabrikladi.
Sharliz Teron
Gollivudning taniqli aktrisasi Sharliz Teron Afrikaga yordam berish jamg‘armasiga pul o‘tkazish uchun o‘zi bilan tashkil etiladigan uchrashuvni auksionga qo‘ydi. Bu fondning xayriya kechasida amalga oshirildi. Lot ajoyib tarzda o‘tdi va aktrisa xayriya uchun yaxshi miqdorda pul to‘plashga muvaffaq bo‘ldi.
Emma Uotson
Yana bir mahoratli aktrisa Emma Uotson butun dunyo bo‘ylab ayollar huquqlarini himoya qilishda hamda turli ijtimoiy tadbirlarda faol ishtirok etadi. “Kichkina ayollar” filmi chiqishi arafasida aktrisa odamlarni ko‘proq o‘qishga undash uchun dunyoning turli joylariga kitob yashirib chiqdi.
Gap shundaki, aktrisa boshqa kitobxonlar topishi uchun butun dunyo bo‘ylab kitoblarni yashiradigan “Kitob farishtasi” (Book fairies) harakatiga qo‘shildi. Shuningdek, Emma yashirilgan kitob nusxalariga o‘z qo‘li bilan yozilgan eslatmalarni ham kiritdi.
Tom Holland
Tom bo‘sh vaqtida ham super qahramon bo‘lishni to‘xtatmaydi. Aktyor vaqti-vaqti bilan o‘rgimchak odam kostyumini kiyadi va shifoxonalardagi bolalarni ko‘rish uchun boradi. Aktyor u yerda bolalarning ko‘nglini ko‘taradi, ular bilan o‘ynaydi, ularga turli xil tryuklar ko‘rsatadi.
Orlando Blum
Aktyor nafaqat ekranda, balki hayotda ham ezgu ishlarga qodir. Bir kuni Orlando o‘g‘li bilan sohilda dam olayotgan edi, kimningdir skuteri dengizda buzilib qoldi. Xayriyatki, haydovchi o‘zi qirg‘oqqa chiqishga muvaffaq bo‘ldi. Aktyor boshqalar bilan birga erkakka singan gidrosiklni quruqlikka olib chiqishga yordam berdi.
Jeyk Jillenxol
Bir kuni Jeyk xarid qilgandan so‘ng ba’zi to‘xtash joylarining to‘lov qilish muddati tugashini payqab qoldi. Aktyor o‘ylab o‘tirmasdan, notanish odamlarga to‘xtash joyi uchun pul to‘ladi va shu bilan ularni jarimalardan saqlab qoldi.
Kim Kardashyan
Kim nafaqat jozibali yulduz, balki juda yaxshi xayriyachi hamdir. U qiyin ahvolda qolgan yolg‘iz onalar fondiga katta miqdorda xayriya qilgan. Ulardan birining so‘zlariga ko‘ra, ijara haqini zudlik bilan to‘lashi kerak bo‘lganidan bir necha soat oldin Kimdan yordam kelgan.
Mettyu Makkonaxi
Aktyor Luizianadagi dovul oqibatlaridan juda xavotirga tushdi. U haqiqatan ham yordam berishni xohladi, shuning uchun ko‘ngillilar guruhi bilan zarar ko‘rgan mintaqaga bordi. U yerda Makkonaxi mahalliy shifokorga uy hayvonlarini tashishda yordam bergan. Ular jami 70 dan ortiq uy hayvonlarini qutqarib qolishdi.
Shahzoda Uilyam
Uilyam qirollik oilasida tug‘ilganiga qaramay, mashaqqatli mehnatdan qochmaydi. Universitetga kirishdan oldin u bir yil davomida ko‘ngillilar dasturida ishirok etdi. Shahzoda Belizda qanchadir vaqt davomida bo‘lib qaytganidan keyin, Buyuk Britaniyadagi fermada ishlagan. So‘ngra u butunlay Chilining chekka hududiga jo‘nadi va u yerda piyodalar uchun yo‘llar qurishga yordam berdi va qishloqlardan birida ingliz tilidan dars ham o‘tdi.
Shahzoda Garri
Shahzoda Garri ham akasi singari muhtojlarga yordam berishga doimo tayyor. Polo xayriya musobaqalarining birida biznesmen erkak otdan yiqilib, hushini yo‘qotdi. Garri uning oldiga yugurdi va birinchi yordam ko‘rsatdi. Shifokorlar shahzodaning o‘z vaqtida qilgan harakatlari orqali erkakning hayotini saqlab qolganini ta’kidladi.
Leonardo Di Kaprio
Dunyo bo‘ylab mashhurligiga qaramay, Leonardo umuman yulduzlik kasaliga chalinmagan. Bir kuni aktyor avtohalokatga uchradi: uning mashinasiga boshqa mashina kelib urilgandi. U boshqa haydovchi bilan birgalikda avariyaga sababchi bo‘lgan ayolga mashinasidan tushishiga yordam bergan. Di Kaprio voqea aybdoriga qarshi qandaydir ayblov qo‘ygani haqida esa umuman ma’lumot yo‘q.
Chenning Teytum
Chenning nafaqat iste’dodli aktyor, balki yozuvchi hamdir. Yaqinda u bolalar uchun “Yagona va betakror Sparkella” kitobini chiqardi. Tatumning so‘zlariga ko‘ra, qizi uni ijod qilishga ilhomlantirgan. Kitob esa bestsellerga aylandi.
Mavzuga doir:
Izoh (0)