“Kalmar o‘yini” serialining finali katta muvaffaqiyat bilan boshlab yuborildi, biroq aktyorlar uchun bu jarayon oson kechmadi, deb yozadi “People talk”.
Serialda bosh qahramon Gi Xun rolini ijro etgan aktyor Li Jon Je qariyb 14 oy davomida qat’iy parhezga rioya qilgan.
“So‘nggi ikki oy vaqt davomida men avvalgi davrga nisbatan ancha og‘ir diyetaga amal qildim. Natijada odatdagi vaznimdan 10 kilogramm yo‘qotdim. Chunki men nafaqat Gi Xunning his-tuyg‘ularini yetkazishni, balki tomoshabinlar uning qanchalik holdan toyganini ham aniq ko‘rishini istar edim”, deydi aktyor.
Final sahnasi tomoshabinlarda katta taassurot qoldirgan bo‘lsa-da, uni suratga olish ancha vaqt talab qilgan. Qolaversa, bu sahnani yozib olish uchun barcha syomka guruhiga atigi bitta imkoniyat berilgan.
Ayni paytda internetda serialning davomiy qismi chiqishi mumkinligi haqida mish-mishlar tarqalmoqda. 2024-yil boshida Netflix tomonidan loyihaning spin-off versiyasi e’lon qilgani bunga dalil bo‘lmoqda. Antiutopiya va ijtimoiy drama janrlariga qiziqish oshib borayotgani sababli loyiha yaqin yillarda Netflix’ning eng mashhur spin-offlaridan biriga aylanishi kutilmoqda.
Izoh (0)