Uorren Baffet 27-iyun kuni Gates jamg‘armasi va 4 ta oilaviy xayriya tashkilotga Berkshire Hathaway aksiyalarining 6 milliard dollarini xayriya qildi. Bu haqda CNN xabar berdi.
Milliarder deyarli 20 yil oldin boyligini ulashishni boshlagandi. Ushbu so‘nggi xayriya shu kungacha qilingan eng kattasi sifatida qayd etilmoqda. Taxminan 12,36 million Berkshire B toifasidagi aksiyalar Baffetning tashkilotlarga qilgan umumiy xayriyasini 60 milliard dollardan oshirib yubordi.
Baffet Gates fondiga 9,43 million, Susan Thompson Buffet jamg‘armasiga 943 384 ming, va uning farzandlari Xovard, Syuzi va Piter tomonidan boshqariladigan 3 ta xayriya tashkilotining har biriga 660 366 ming ulush xayriya qilgan.
Uorren Baffet hali ham Berkshire aksiyalarining 13,8 foiziga egalik qiladi. So‘nggi xayriyadan oldin uning 152 milliard dollarlik boyligi uni dunyodagi beshinchi eng boy odamga aylantirgan. U 2024-yilning noyabr oyida oilaviy xayriya tashkilotlariga 1,14 milliard dollar xayriya qilgan edi.
Baffet o‘z bayonotida Berkshire aksiyalarini sotish niyatida emasligini ta’kidlagan. Hozir 94 yoshda bo‘lgan Baffet 2006-yilda o‘z boyligini tarqatishni boshlagandi. U 2024-yili o‘z vasiyatnomasini o‘zgartirib, vafotidan keyin mol-mulkining 99,5 foizini farzandlari nazorat qiladigan xayriya jamg‘armasiga o‘tkazgan.
Pulni taqsimlash uchun milliarderning farzandlarida taxminan o‘n yil vaqt bo‘ladi. Shu vaqt ichida ular mablag‘lar qayerga ketishini bir ovozdan hal qilishi kerak. 1,05 trillion dollarlik Berkshire konglomerati 200 ga yaqin biznesga, jumladan Geico avtomobil sug‘urtasi, BNSF temir yo‘li, Apple va American Express kabi o‘nlab aksiyalarga egalik qiladi.
Izoh (0)