Amerikalik milliarder Uorren Baffettning boyligi 100 milliard dollardan oshdi. Bunga uning Berkshire Hathaway Inc. investitsiya kompaniyasi aksiyalarining narxi keskin ko‘tarilishi sabab bo‘ldi. Bu haqda Reuters xabar berdi.
10-mart kuni 90 yoshli milliarderning boyligi 100,4 milliard dollarga yetgan.
Natijada u 100 milliard dollardan ortiq boylikka ega bo‘lgan tadbirkorlar qatoridan joy oldi. Bu ro‘yxatda Amazon asoschisi Jeff Bezos (179,6 milliar dollar), Tesla asoschisi Ilon Mask (165,1 milliard dollar) va Microsoft asoschisi Bill Geyts (125,6 milliard dollar) yetakchilik qilmoqda.
Ma’lumot uchun, Uorren Baffett 3,6 milliard dollar mablag‘ini xayriyaga sarf qilgan.
Avvalroq Tesla aksiyalari deyarli 20 foizga qimmatlashib, Ilon Maskning boyligi bir kun ichida rekord darajada — 25 mlrd dollarga ko‘paygani haqida xabar berilgandi.
Izoh (0)