Amerikalik taniqli sarmoyador Uorren Baffetning fikricha, AQShning sobiq birinchi xonimi va sobiq davlat kotibi Hillari Klinton 2016-yilgi prezidentlik saylovlarida ishtirok etadi va g‘alaba qozonadi. Bu haqda “RIA Novosti” xabar bermoqda.
“Hillari g‘alaba qozonadi. Men bunga pul tikmoqchiman, men bunday ishlarni shunchaki qilmayman”, − dedi 84 yoshli Baffet. Uning fikricha, Klinton saylovda o‘z nomzodini qo‘yish istagini imkoni boricha kechroq bildiradi.
Gallup tahlil kompaniyasi o‘tkazgan so‘rovlarga ko‘ra, Hillari Klinton 2016-yilgi AQSh prezidentlik saylovlarida nomzodi qo‘yilishi mumkin bo‘lgan 16 shaxs ichida eng taniqlisidir. Uning mashhurligi qolgan 15 nomzod ko‘rsatkichlarining yig‘indisidan ham ko‘pligi aniqlangan.
Izoh (0)