Dunyoning eng badavlat kishilaridan biri, Berkshire Hathaway bosh direktori Uorren Baffet Pfizer/BioNTech kompaniyasining vaksinasi bilan koronavirusga qarshi emlandi. Bu haqda Bloomberg nashriga tayanib, “Kommersant” xabar berdi.
Amerikalik milliarder 90 yoshni qarshilagan. Avvalroq bu vaksinani Baffetning hamkori, Berkshire Hathaway’ning rais o‘rinbosari Charli Manger ham qabul qilgan edi. Uning yoshi 97 da. Milliarderning yordamchisiga ko‘ra, vaksinatsiya muvaffaqiyatli o‘tgan.
Bloomberg Billionaires Index ro‘yxatida Uorren Baffetning boyligi 92,7 milliardga baholanib, reytingning yettinchi o‘rinini band qilib turibdi. Ro‘yxatda Amazon asoschisi Jeff Bezos (180 milliard dollar), SpaceX va Tesla asoschisi Ilon Mask (176 milliard dollar) va Microsoft asoschisi Bill Geyts (135 milliard dollar) yetakchilik qilmoqda.
Avvalroq Bill Geyts ham koronavirusga qarshi emlangani haqida xabar berilgan edi.
Izoh (0)