Kolumbiyaning Medellin shahrida 24-iyun kuni kuchli yomg‘irlardan keyin ko‘chki sodir bo‘ldi. Hodisa oqibatida halok bo‘lganlar soni bugungacha 22 nafarga yetdi. Bu haqda Anadolu xabar berdi.
Yana 8 kishi bedarak yo‘qolgani aytilmoqda. Antioxiya departamenti gubernatorligi ma’lumotlariga ko‘ra, shaharning Bello va Altos de Oriente hududlarida jasadlar topilgan.
Ta’kidlanishicha, qidiruv-qutqaruv ishlarida 390 dan ortiq kishi ishtirok etmoqda. Ular vayronalar ostida qolgan jasadlarni olib chiqishga harakat qilmoqda. Qayd etilishicha, Medellin shahridagi ko‘plab uylar qulash xavfi bo‘lgan qiyaliklarda qurilgan.
Izoh (0)