Shvetsiyaning Kiruna kommunasidagi Abisku milliy bog‘ida fojiali hodisa yuz berdi. Sayyohlar bo‘lgan vertolyotni qor ko‘chkisi bosib qoldi.
Voqea oqibatida yetti kishi jarohat oldi, ulardan ikki nafari — Italiya fuqarolari halok bo‘lgan.
Politsiya ehtiyotsizlik tufayli o‘lim va tan jarohati yetkazish holatlari bo‘yicha dastlabki tergovni boshlagan. Ishda gumonlanuvchilar, shuningdek, sayohatni tashkil etgan sayyohlik kompaniyasi ham qatnashmoqda.
Bundan oldin Shvetsiya tabiatni muhofaza qilish agentligi — Naturvardsverket ushbu hududda qor ko‘chkisi xavfi yuqori ekanligi haqida ogohlantirgan. Fojiadan bir kun avval Abisku va Riksgrensen atrofida oltita qor ko‘chkisi kuzatilgan.
Mutaxassislarning ta’kidlashicha, qor qoplami juda xavfli bo‘lib qolmoqda. Qor ko‘chkisi esa hatto minimal yuklama — masalan, bir guruh chang‘ichilar yoki bitta qor mashinasining harakati tufayli ham yuzaga kelishi mumkin.
Sayyohlarga yonbag‘irlarning qiyalik burchagi va to‘plangan qor hajmini diqqat bilan kuzatib borish, ozgina shubha tug‘ilsa ham, ob-havo sharoiti barqarorlashguncha sayohatni kechiktirish qat’iy tavsiya etilmoqda.
Izoh (0)