Toshkent shahar Ziyolilar ko‘chasining Kichik halqa avtomobil yo‘li kesishmasidan Qalandar ko‘chasi kesishmasigacha bo‘lgan bir tomonlama yo‘nalish qismi barcha transport vositalari harakati uchun yopiladi. Bu haqda poytaxt hokimligi matbuot xizmati xabar berdi.
Maʼlum qilinishicha, cheklov 28-may 22:00 dan 30-may 08:00 gacha amal qiladi.
Ko‘cha yopilishiga Mirzo Ulug‘bek tumanidagi qurilish-montaj ishlari olib borilishi sabab bo‘ladi.
Ko‘rsatilgan davr mobaynida muqobil yo‘nalishlardan foydalanish tavsiya etilgan.
Avtomashinalar harakati cheklanayotgan ko‘chalar
Toshkent shahrining Olmazor tumanidagi ko‘cha yarim yilga yopilishi haqida xabar berilgandi. Shuningdek, Ziyolilar ko‘chasining Do‘rmon yo‘li ko‘chasi kesishmasidan Qalandar ko‘chasi kesishmasigacha bo‘lgan bir tomonlama yo‘nalish qismi 17-may soat 22:00 dan 19-may soat 08:00 gacha transport vositalari harakati uchun yopiladi.
Bundan tashqari, Kichik halqa avtomobil yo‘lining Chingiz Aytmatov ko‘chasi kesishmasidan Oqqo‘rg‘on ko‘chasi kesishmasigacha bo‘lgan qismi 17-may soat 22:00 dan 21-may soat 06:00 gacha barcha transport vositalari harakati uchun yopiladi.
Izoh (0)