Тошкент шаҳар Зиёлилар кўчасининг Кичик ҳалқа автомобиль йўли кесишмасидан Қаландар кўчаси кесишмасигача бўлган бир томонлама йўналиш қисми барча транспорт воситалари ҳаракати учун ёпилади. Бу ҳақда пойтахт ҳокимлиги матбуот хизмати хабар берди.
Маълум қилинишича, чеклов 28 май 22:00 дан 30 май 08:00 гача амал қилади.
Кўча ёпилишига Мирзо Улуғбек туманидаги қурилиш-монтаж ишлари олиб борилиши сабаб бўлади.
Кўрсатилган давр мобайнида муқобил йўналишлардан фойдаланиш тавсия этилган.
Автомашиналар ҳаракати чекланаётган кўчалар
Тошкент шаҳрининг Олмазор туманидаги кўча ярим йилга ёпилиши ҳақида хабар берилганди. Шунингдек, Зиёлилар кўчасининг Дўрмон йўли кўчаси кесишмасидан Қаландар кўчаси кесишмасигача бўлган бир томонлама йўналиш қисми 17 май соат 22:00 дан 19 май соат 08:00 гача транспорт воситалари ҳаракати учун ёпилади.
Бундан ташқари, Кичик ҳалқа автомобиль йўлининг Чингиз Айтматов кўчаси кесишмасидан Оққўрғон кўчаси кесишмасигача бўлган қисми 17 май соат 22:00 дан 21 май соат 06:00 гача барча транспорт воситалари ҳаракати учун ёпилади.
Изоҳ (0)