O‘zbekiston Superligasi 9-turidagi so‘nggi bahs Jizzaxda bo‘lib o‘tdi. Unda mezbon “So‘g‘diyona” “Sho‘rtan”ni qabul qilib, 1:1 hisobida durang o‘ynadi.
Uchrashuvning 1-taymida hisob ochilmadi, lekin muxlislar ikkinchi bo‘limda ikkita golga guvoh bo‘lishdi. 77-daqiqada jizzaxliklar a’zosi Otabek Ahadov o‘z darvozasini ishg‘ol qilib qo‘ygan bo‘lsa, 90+5-daqiqada Islom Qobilov hisobni tenglashtirdi.
Mazkur natija bahs oxirigacha o‘zgarmadi va jamoalar 1:1 hisobida durang o‘ynashdi. Ayni payt “So‘g‘diyona” Superliga turnir jadvalida 8 ochko bilan 13-o‘rinni egallab turgan bo‘lsa, “Sho‘rtan” 2 ochko evaziga so‘nggi pog‘onani band etgan.
O‘zbekiston Superligasi
9-tur
11-may, yakshanba
“So‘g‘diyona” — “Sho‘rtan” 1:1
Gollar: 0:1 — Ahadov (avtogol, 77), 1:1 — Qobilov (90+5)
Chetlatish: Sa’dullayev — “Sho‘rtan” (83)
Izoh (0)