O‘zbekiston Kubogi. “Metallurg”, “Navbahor” va “Buxoro”​ 1/8 finalga chiqa olmadi. Nimchorak final qur’asi ertaga Sport-TV orqali jonli efirda namoyish etiladi

15—16-aprel kunlari O‘zbekiston Kubogi 1/16 finali doirasida 12 ta uchrashuv bo‘lib o‘tdi. Superliganing 3 ta vakili – “Metallurg”, “Navbahor” va “Buxoro” klublari Kubokni ilk bosqichdayoq tark etdi.

“Andijon” va “Navbahor” o‘rtasida kechgan vodiy derbisida mezbonlar kichik hisobda g‘alaba qozonib, “Navbahor”ni tomoshabinlar qatoriga kuzatib qo‘ydi.

Superliganing ikki vakili – “So‘g‘diyona” va “Metallurg” jamoalarining bahsida ham mezbonlar 1:0 hisobida g‘alaba qozonib, keyingi bosqichga chiqdi.

“Neftchi” safarda “Sho‘rtan”ni mag‘lub etib, “Qizilqum” esa o‘z uyida “Buxoro”ni mag‘lub etib, 1/8 finalga yo‘l oldi.

Nimchorak finalga yo‘llanma olgan 12 ta jamoaga yana to‘rtta jamoa qo‘shiladi. Bular — “Lokomotiv”, “Nasaf”, “Paxtakor” va “Bunyodkor”.

1/8 finalda Superliganing 9 ta va Pro-liganing 7 ta klubi qatnashadi.

• “Surxon” (PRO-liga)
• “Dinamo” (PRO-liga)
• “Qo‘qon-1912” (Superliga)
• “Sherdor” (PRO-liga)
• “Mash’al” (PRO-liga)
• “So‘g‘diyona” (Superliga)
• AGMK (Superliga)
• “Andijon”(PRO-liga)
• “Orol” (PRO-liga)
• “Iftixor” (PRO-liga)
• “Neftchi” (Superliga)
• “Qizilqum” (Superliga)
• “Paxtakor” (Superliga)
• “Lokomotiv” (Superliga)
• “Nasaf” (Superliga)
• “Bunyodkor” (Superliga)

Yangi formatga ko‘ra, 1/8 final bosqichiga ham qur’a tashlanadi. Qur’a tashlash marosimi 18-aprel,chorshanba kuni soat 20:00 da Sport-TV telekanali orqali jonli efirda namoyish qilinadi.

​Ma’lumot uchun yangi formatga ko‘ra, O‘zbekiston Kubogining yarim finaligacha bo‘lgan barcha bosqichida jamoalar bitta o‘yin o‘tkazadi.