Mukammal soch turmagi, benuqson makiyaj: Kinolardagi real hayotga to‘g‘ri kelmaydigan sahnalar (foto)
Ko‘rgan narsalarimiz har doim ham haqiqatga to‘g‘ri kelavermaydi. Filmlarda qahramonlar vaqti-vaqti bilan benuqson makiyaj bilan uyg‘onadi, mukammal soch turmagi bilan ko‘rinadi va umuman olganda, har qanday vaziyatda ham pardoz qilish esidan chiqmaydi.
“Divergent 2”, 2015 yil
Filmning boshida Beatris salbiy xotiralardan xalos bo‘lish maqsadida uzun sochlarini kesib tashlaydi. Qahramon pala-partish tarzda sochini kaltalaydi, ammo keyinchalik mukammal piksi soch turmagi paydo bo‘ladi.
“Mumiyo”, 1999 yil
Film o‘tgan asrning 20-yillarida sodir bo‘ladi, o‘shanda qizil lab bo‘yog‘i moda bo‘lgan va qalin lablar illyuziyasini yaratish vulgar hisoblangan. Ammo Reychel Vays o‘ynagan bosh qahramon lablarini rangsiz blesk bilan bo‘yab oladi.
“Bobil”, 2022 yil
Margo Robbining makiyaji deyarli mukammal ko‘rinadi, faqat bitta narsa: qoshlar. O‘tgan asrning 20-yillarida qizlar, ayniqsa, qahramon Robbi kabi zamonaviy bo‘lganlar qoshlarini ingichka terib, qora qalam bilan bo‘yashgan.
“Sharob ishlab chiqarish qoidalari”, 1999 yil
Sharliz Teron qahramoni maftunkor ko‘rinishga ega bo‘lsa-da, pardozi o‘sha yillar modasiga to‘liq mos kelmaydi. Makiyaj tugallanmagandek ko‘rinadi. 40-yillarning klassik pardozi rumyanasiz bo‘lmaydi.
“Malibu xaloskorlari”, 1989–1999
Faqat Pamela Anderson suvdan bo‘yalgan lablar va tush bilan chiqa oladi. Serial muxlislari ushbu kadrni ko‘p marta ko‘rish imkoniga ega bo‘lishadi.
“Tor”, 2011 yil
“Tor”ning 1-filmida Kris Xemsvortning oqartirilgan qoshlari barchaning e’tiborini tortdi. Yaxshiyamki, franshizaning 2-qismida ijodkorlar buni tuzatdi va tomoshabinlar Krisni tabiiy qoshlarida imkoniga ega bo‘lishdi.
“Kelinlar jangi”, 2009
Ikki dugona o‘rtasidagi janjal avjiga chiqqanda Liv Emmadan qasos olish uchun uning soch bo‘yog‘ini almashtirib qo‘yadi. Natijada to‘ydan bir hafta oldin bosh qahramon mallarangda, ikkinchisi esa ko‘k sochda bilan yurishga majbur bo‘ladi.
Ammo to‘y kuni ikkala qiz ham mukammal ko‘rinadi. Odatda muvaffaqiyatsiz soch bo‘yashdan so‘ng 4 haftadan kechiktirmasdan qayta bo‘yash tavsiya etiladi. Qahramonlar vaziyatni qisqa vaqt ichida tuzatishga harakat qilishgan bo‘lsa ham kuygan soch rangidan hafsalasi pir bo‘lishi kerak edi.
