Sevimli lab bo‘yog‘i xira ko‘rinishni boshladimi? Namlantiruvchi kremlar yuzda qichishishni paydo qilyaptimi? Bu ulardan foydalanish vaqti tuganini anglatishi mumkin. Bir necha yil oldin Britaniyaning “Escentual.com” agentligi ayollar o‘z kosmetikasini qanday saqlashlari haqidagi ma’lumotlarni e’lon qildi. Ma’lum bo‘lishicha, ba’zilar yaroqlilik muddati o‘tganidan 6 yil o‘tib ham sevimli mahsulotlari bilan xayrlashmaydi va so‘rovda qatnashganlarning 70 foizi hech qachon makiyaj cho‘tkalarini yuvmagan, deb yozadi Marie Claire.
Terini parvarish qilish ─ yorliq bilan tanishib chiqing
Shuni esda tutish kerakki, terida yuzaga keladigan barcha reaksiyalar, keyin organizmda davom etadi. Bundan tashqari, agar barcha faol moddalar yomonlashgan bo‘lsa, unda o‘n bosqichli terini parvarish qilish tartibiga sarflagan ikki soat vaqt behuda bo‘lishi mumkin. Taxmin qilish o‘rniga, maxfiy belgilarni o‘qishga harakat qilish lozim.
Mahsulotning ochilish sanasini belgilash kerak — vaqt juda ham tez o‘tadi; agar mahsulot bankada bo‘lsa, barmoqlar bilan emas, balki cho‘tka yoki paxtadan foydalanish lozim. Agar mahsulotni qo‘llagandan keyin teri achishsa yoki qichisa, darhol yuvib tashlash kerak. Mahsulotning rangi, hidida biror narsa o‘zgarsa, undan xalos bo‘lgan yaxshi.
Tonal krem va konsiler vositalari ─ 1 yil
Suyuq tonal krem va konsilerlardan foydalana boshlangandan keyin bir yil o‘tgach, ularni tark etish kerak. Shisha qadoqni yorug‘likda ushlab turish kerak, agar yog‘ yuzaga ko‘tarilsa, unda tonal kremni o‘zgartirish vaqti kelgan. Tonal kremlar abadiy foydalanish uchun mo‘ljallanmagan. Upa bilan esa biroz boshqacha: u ikki yilgacha yaxshi saqlanishi mumkin, chunki bakteriyalar quruq muhitda suyuqda bo‘lgani kabi tez ko‘paymaydi. Ammo vaqt o‘tishi bilan hatto bunday mahsulotlar ham tuzilmasini o‘zgartiradi: ular qattiqlashadi, parchalana boshlaydi.
Rumyana va bronzatorlar ─ 2 yil
Bunday uzoq vaqt saqlanishining sabablari upa bilan bir xil — suv muhitining yo‘qligi, bu bakteriyalarning ko‘payishi uchun yomon sharoitlarni bildiradi. Iloji bo‘lsa, o‘simlik ekstraktlari bo‘lgan mahsulotlarni tanlash kerak — aloe, ko‘k choy, moychechak ekstrakti. Bu foydali hamda yoqimli. Biroq makiyajda ehtiyot bo‘lish lozim. Rumyana hamda bronzatorlardan foydalanganda teriga bir tekisda singmasa yoki achishishni keltirib chiqarsa, ularni salfetka yordamida artib tashlash mumkin.
Tush ─ 3-6 oy
Kundalik tushlar uchun 3, ba’zida surtiladiganidan esa 6 oy davomida foydalanish mumkin. Qorong‘i va nam cho‘tka bakteriyalar uchun ajoyib makon ekanini tushunish uchun akademik bo‘lish shart emas. Braziliya universiteti tadqiqotlari shuni ko‘rsatdiki, vaziyatni tahlil qilish uchun ayollardan olingan kosmetik namunalarning 79 foizi go‘zallik mahsulotlariga qaraganda ko‘proq bakterial turar-joylarga o‘xshaydi. Afsuski, yuqoridagi muddat tugagandan so‘ng sevimli tushni tashlashga to‘g‘ri keladi.
Podvodka ─ 3-4 oy
Bu faol foydalanuvchilar uchun maksimal ruxsat etilgan muddat, chunki prinsipial jihatdan vaziyat tushdan farq qilmaydi. Podvodkaning faol va xavfsiz muddati ham to‘rt oy. Mahsulotning qotib qolishi ham uning muddati o‘tganining belgisidir.
Lab bo‘yog‘i va blesk ─ 2 yil
Bu yerda bakteriyalar tahdid solmaydi. 24 oy hech narsa haqida tashvishlanmaslik mumkin. Voz kechish uchun yagona signal lablarda bo‘yoqning notekis taqsimlanishi. Aytgancha, lab bo‘yog‘ini boshqalar bilan bo‘lishish ham yaxshi emas. Chunki bu bilan lab bo‘yog‘i chinakamiga bakteriya tashuvchisiga aylanadi.
Makiyaj cho‘tkalari ─ taxminan 5-7 yil
Pardoz vositalari uzoq umr ko‘radi. To‘g‘ri parvarish tufayli muddatni yanada uzaytirish mumkin. Shuning uchun imkon qadar har ikki haftada cho‘tkalarni yuvib turish kerak. Ko‘zni bo‘yash uchun ishlatiladigan cho‘tkalarni har foydalanishdan keyin yuvish tavsiya etiladi. Buning uchun kerak bo‘lgan narsa — iliq suv va sovun.
Izoh (0)