Ayrim kosmetik vositalarni boshqasi bilan almashtirish mumkin. “Noviy ochag” nashri qosh uchun gel, quruq shampun va skrab o‘rniga foydalanish mumkin bo‘lgan kosmetik mahsulotlar haqida ma’lumot berdi.
Tirnoq kutikulalarini yumshatish va namlash
Agar kutikula mahsuloti to‘satdan tugab qolsa, qovoq kremi, lab uchun balzam yoki davolovchi lab bo‘yog‘ini uning o‘rnida ishatsa bo‘ladi. Ushbu mahsulotlar ko‘pincha o‘simlik moylari, mumlar va namlovchi mahsulotlarni o‘z ichiga oladi, ya’ni ular, albatta, kutikula moyi vazifasini bajaradi.
Shimmersiz yaltiratish
Yuz terisini biroz yaltiratish kerak, biroq maxsus vosita topilmadimi? Buning uchun namlantiruvchi losyonga ko‘z uchun mo‘ljallangan ten qo‘shiladi. Natijada nafaqat teri namlanadi, balki unga yengil tovlanish ham berish mumkin.
Quruq shampun o‘rnida bolalar kukunidan foydalaning
Zarur vaqtda quruq shampun bo‘lmasa, talk yoki bolalar kukunini sinab ko‘rish tavsiya etiladi. Ushbu mahsulotlar ortiqcha yog‘ni so‘rishi uchun quruq shampun kabi natija beradi va bundan tashqari, qizarish xususiyatini keltirib chiqarmaydi. Faqat sochlarni yaxshilab tarash kerak, shunda ularda oq kukun izi qolmaydi.
Eski tushni qosh geli sifatida ishlatsa bo‘ladi
Agar qosh geli tugab qolgan bo‘lsa, eskirib qolgan tushlarni tashlashga shoshilmang. Cho‘tkani yaxshilab yuvib tashlab, tushga biroz shaffof balzam yoki lab uchun mo‘ljallangan blesk qo‘shiladi. Ushbu vosita ham xuddi qosh geli singari ularni bir tekis shaklda ushlab turishga yordam beradi.
Lab bo‘yog‘ini ten yoki rumyana o‘rnida ishlatish mumkin
Rumyana bo‘lamaganda, lab bo‘yog‘i yordamga keladi. U avval qo‘lga surtiladi, so‘ngra cho‘tka yoki sponch bilan yoyiladi. Keyin yuzning yanoq qismiga surtiladi.
Qahva va asal qo‘shilgan skrab
Agar uyda qahvadan keyin qoldiqlar qolsa, ularni tashlashga shoshilmaslik kerak. Unga bor-yo‘g‘i asal qo‘shib, tabiiy skrab tayyorlash mumkin. Bu terini tozalashda ajoyib yordamchi hisoblanadi. Biroq allergik reaksiyaga yo‘l qo‘ymaslik uchun ushbu kosmetik kompozitsiyani terining alohida joyida sinab ko‘rishni unutmaslik lozim.
Izoh (0)