Sovuq mavsumda e’tibordan chetda qolmasligi kerak bo‘lgan bir nechta makiyaj qoidalari mavjud, deb yozadi Marie Claire.
Yozda jazirama, qishda esa sovuq havo teri va makiyaj uchun haqiqiy sinovdir. Agar yozda muammo kosmetikaning tom ma’noda yuzda erishi bo‘lsa, qishda vaziyat yanada murakkablashadi. Bir vaqtning o‘zi bir nechta muammolar paydo bo‘ladi: teri quriydi, tush oqadi, yuz terisi qizaradi. Shuning uchun makiyaj qilishdan avval quyidagi qoidalarga amal qilish tavsiya etiladi.
“Oziqlantirish” rejimi
Qishda tonal kremdan foydalanish hatto yog‘li teri egalari uchun ham muammoga aylanadi. Sababi teri qurishi, piling va qizarishdir. Shuning uchun namlantiruvchi va oziqlantiruvchi asosli tonal kremari yordamga keladi. Chunki qishda teri har doim suvsizlanish yoqasida bo‘ladi. Bu sovuq tufayli emas, balki haroratning keskin farqi tufayli yuz beradi.
Isituvchi qatlam
Oziqlantiruvchi tonal krem qo‘llagandan so‘ng uning ustidan upa surtish mumkin. Bu teri va tashqi ta’sir o‘rtasida o‘ziga xos issiq qatlam hosil qiladi, shu bilan teriga qulaylik yaratadi va makiyaj mustahkamligini ta’minlaydi.
Qizarishni niqoblash
Agar yuzning ba’zi joylari sovuqda qizarib ketsa, ularni yashirish uchun konsilerdan foydalanish mumkin. Buni, albatta, tonal kremdan oldin qo‘llashni unutmaslik lozim.
Ko‘zlar uchun maxsus makiyaj
Ko‘zlarni bo‘yash ham qish mavsumining juda asosiy mavzusidir. Shamol va sovuqdan ko‘pchilikda ko‘zlar yoshlanadi. Shuning uchun, qishda, ko‘zni bo‘yash uchun suvga chidamli bo‘lgan go‘zallik mahsulotlarini olish kerak. Bu turdagi tush ham faqat suv bilan yuviladi, uning harorati 38 darajadan yuqori bo‘lishi kerak. Gelga asoslangan ko‘z qalami ham sovuqqa boshqalarga qaraganda yaxshiroq bardosh beradi.
Lablarni namlantiruvchi vositalar
Qishda, lablarga blesk surtish tavsiya etilmaydi va ular nozik terini sovuqdan himoya qilmaydi. Eng yaxshi yechim namlantiruvchi tarkibga ega lab bo‘yog‘iga o‘tishdir. Umuman olganda, yaxshi lab bo‘yog‘i butun qish uchun haqiqiy qutqaruvchi bo‘lishi mumkin. Balzamlar tarkibida nafaqat yog‘lar, balki terini davolovchi, himoya qiluvchi va silliqlashtiruvchi mumlar ham mavjud. Shuningdek, ulardan faqat lablar uchun emas, yonoqlar uchun ham foydalanish mumkin. Sovuqda qizargan yonoqlarga balzam qo‘llash teri yuzasidagi qizarishni bartaraf etishga yordam beradi.
Izoh (0)