Futbol bo‘yicha O‘zbekiston Superligasining 9-turidan o‘rin olgan uchrashuv 10-may, shanba kuni bo‘lib o‘tdi.
Uchrashuvning 38-daqiqasida Avazbek O‘lmasaliyev o‘z darvozasiga to‘p kiritib qo‘ydi. Birinchi bo‘lim qo‘qonliklarning g‘alabasi bilan yakunlandi.
Ikkinchi bo‘limda esa har ikki jamoa ham faol o‘yin o‘tkazdi. 73-daqiqaga kelib “OKMK” hisobni tenglashtirdi. Yana Avazbek O‘lmasaliyev, faqat bu safar u raqib darvozasini ishg‘ol qildi. 81-daqiqaga kelib esa Asadbek Sobirjonov hisobni oshirdi. Oradan 6 daqiqa o‘tar-o‘tmas Sobijonov dubl qayd etib, jamoasining g‘alabasini taʼminladi.
Shunday qilib, olmaliqliklar ketma-ket ikkinchi bor kambek qilib, uch ochkoni hisoblariga qo‘shib oldi.
Ushbu g‘alaba bilan “OKMK” 22 ochko bilan 1-o‘rinni egallab turibdi. Qo‘qonliklar esa 12 ochko bilan 6-pog‘onadan joy olgan.
Superliga
9-tur
10-may, shanba
“Qo‘qon-1912” — “OKMK” 1:3
Gollar: 1:0 – 38, Avazbek O‘lmasaliyev (avtogol), 1:1 – 73, Avazbek O‘lmasaliyev, 1:2 – 81, Asadbek Sobirjonov, 1:3 – 87, Asadbek Sobirjonov.
“Qo‘qon-1912” — Aziz Isaqov, Asliddin Toshtemirov (Iqbol Malikjonov, 19), Jasur Yoqubov, Alisher Salimov, Shota Gvazava (Javohir Husanov, 88), Baxtiyor Qosimov, Shahzod Beshimov (Bahrom Abdurahimov, 88), Jasur Xolto‘rayev (Yegor Kondratyuk, 65), Shahzod Akramov, Muhammadanas Hasanov, Andro Giorgadze.
“OKMK” — Humoyunshoh Sayyotov, Mirjamol Qosimov (Asad Sobirjonov, 64), Avaz O‘lmasaliyev, Dilshod Ahmadaliyev, Kleydi Datsi (Aziz Xolmurodov, 46), Xurshid G‘iyosov, Oybek Rustamov, Ahmadullo Muqumjonov (Naoaki Senaga, 64), Islom To‘xtaxo‘jayev, Arixiro Sentoku (Ruben Sanches, 46), Nodir Abdurazzoqov.
Izoh (0)