Superliganing noyabr oyidagi eng yaxshi futbolchisi va murabbiyi aniqlandi. Shuningdek, oyning eng chiroyli goli ma’lum qilindi.
“Paxtakor” ustozi Maksim Shatskix oyning eng yaxshi murabbiyi deb topilgan. Noyabrda Shatskix ko‘l ostidagi jamoa uchta o‘yinda uchta g‘alaba qayd etib, chempionlikni qo‘lga kiritdi. Bu o‘yinlarda “sherlar” o‘z darvozasi daxlsizligini saqlab qolgan holda raqiblariga 10 ta gol urgan.
Shuningdek, ushbu sovringa yana ikki mutaxassis da’vogarlik qilgandi:
- Mirjalol Qosimov (“OKMK”) — 3 o‘yin, 2 g‘alaba, 1 mag‘lubiyat, to‘plar nisbati 10:4;
- Samvel Babayan (“Navbahor”) — 3 o‘yin, 3 g‘alaba, to‘plar nisbati 6:1.
“Paxtakor” hujumchisi Dragan Cheran oyning eng yaxshi futbolchisi deb e’tirof etildi. Serbiyalik futbolchi uchta o‘yinda 5 ta gol urishga erishdi.
Cheran quyidagi futbolchilarni ortda qoldirdi:
- Martin Boakye (“OKMK”) — 3 o‘yin, 4 gol
- O‘tkir Yusupov (“Navbahor”) — 3 o‘yin, 7 seyv, 2 quruq o‘yin
- Xurshid G‘iyosov (“OKMK”) — 3 o‘yin, 1 gol, 3 assist
- Zoran Marushich (“Navbahor”) — 3 o‘yin, 3 gol.
“Bunyodkor” yarim himoyachisi Usmonali Rahmonaliyevning “Qo‘qon-1912” darvozasiga kiritgan to‘pi Superligada oyning eng chiroyli goli deb topildi.
Izoh (0)