Mart oyida O‘zbekiston Superligasida 3 ta tur uchrashuvlari o‘tkazildi. Ushbu bahslardan keyin O‘zbekiston Professional futbol ligasi oyning eng yaxshi murabbiysi va futbolchisi nomini e’lon qildi.
Unga ko‘ra, “OKMK” ustozi Mirjalol Qosimov mart oyining eng yaxshi murabbiysi sovrinini qo‘lga kiritdi. Uning qo‘l ostida olmaliqliklar mart oyida 3 ta o‘yin o‘yin o‘tkazib, 3 g‘alabani qo‘lga kiritdi. To‘plar farqi 7:2 ko‘rinishini oldi.
Eng yaxshi futbolchi sovriniga “Bunyodkor”ning albaniyalik legioneri Luis Kachorri ega chiqdi. 27 yoshli hujumchi mart oyida Superligada 3 ta o‘yin o‘tkazib, o‘z hisobiga 4 ta gol yozdirib qo‘ydi. Uning gollari evaziga ayni payt “qaldirg‘ochlar” turnir jadvalida 1-o‘rinni egallab turibdi.
Ma’lumot uchun, Superliganing 5-tur bahslari 11-aprel kunidan start oladi.
Izoh (0)